პარლამენტის პირველი ვიცე-სპიკერის, თამარ ჩუგოშვილის აზრით, ვენეციის კომისიის ყველაზე მნიშვნელოვანი რეკომენდაციები გამოცდის მოხსნა და ინტერესთა კონფლიქტია, რომელზეც პარტია აუცილებლად იმსჯელებს.

„ქართული ოცნების“ ოფისში უმრავლესობის სხდომა იმართება. საპარლამენტო უმრავლეოსობის წევრები ვენეციის კომისიის რეკომენდაციებზე მსჯელობენ.

„ვენეციის კომისიის ერთ-ერთი მნიშვნელოვანი რეკომენდაცია იყო გამოცდის მოხსნა, რაც, თავისთავად ძალიან მნიშვნელოვანია, რადგან ძალიან აფართოვებს იმ ადამიანების წრეს, ვისაც შეეძლება კონკურსში მიიღოს მონაწილეობა.მეორე ძალიან მნიშვნელოვანი რეკომენდაცია, რომელიც შეეხება იმას, რომ საბჭოს მოქმედ წევრებს არ უნდა ჰქონდეთ ინტერესთა კონფლიქტი და, შესაბამისად, თუკი ამბიცია და პრეტენზია აქვთ, რომ კონკურსში მონაწილეობდნენ, მაშინ არანაირი მონაწილეობა არ უნდა მიიღონ არცერთ ეტაპზე, გადაწყვეტილების მიღების პროცესში“, - განაცხადა თამარ ჩუგოშვილმა.

თამარ ჩუგოშვილმა ასევე ისაუბრა იმ რეკომენდაციაზე, რომელიც ამ ეტაპზე მხოლოდ მოსამართლეთა ნაწილის დანიშვნას გულისხმობს.

მისი თქმით, რადგან ამ მხრივ საგანგებო ვითარებაა, ამ რეკომენდაციაზე დაფიქრება შეიძლება.

„ჩვენ ასევე საუბარი გვექნება იმ მოსაზრებაზე, რონელსაც რეკომენდაციას ვერ დავარქმევ, რადგან  ახლა გვაქვს უნიკალური მდგომარეობა, რომელიც აქამდე არ გვქონია არასდროს, რომ ერთდროულად ამდენი მოსამართლეა უზენაეს საბჭოში დასანიშნი და ეს საკონსტუტიციო ცვლილებებითაა გამოწვეული, რომ მოხდეს მხოლოდ იმდენი ვაკანსიის ათვისება, რამდენიც აუცილებელია უზენაესი სასამართლის ნორმალური ფუნქციონერებისთვის და თუ შესაძლებელია, რომ ვაკანსიების ნაწილი სხვა მოწვევის პარლამენტმა დააკომპლექტოს, ამ გამოთქმულ აზრზეც ვიმსჯელებთ, თუმცა წინასწარ ვერაფერს გეტყვით“, - აღნიშნა ვიცე-სპიკერმა.

ავტორი: ექსპრესნიუსი,

სოციალური ქსელები

დასავლეთ საქართველოში მოსალოდნელია ძლიერი ნალექი, ქარბუქი, შტორმი - სააგენტოს გაფრთხილება

საქართველოს ბანკმა ბიზნესისთვის ფინანსური მიმზიდველობის თემაზე ვორკშოპი გამართა

ნარმანია - ბუნებრივ აირზე უფრო მაღალი ტარიფი შეიძლება დადგინდეს მაღალი მოხმარების ოჯახებისთვის

გამოძიება- ახალგაზრდა ორბანი საიდუმლო სამსახურების ინფორმატორი იყო, მისი მხილებები, სავარაუდოდ, მოსკოვში მიდიოდა