მთავრობის დღევანდელ სხდომაზე "ოკუპირებული ტერიტორიების შესახებ" კანონში და სისხლის სამართლის კოდექსში შესატან ცვლილებებზე იმსჯელეს და ოკუპირებული ტერიტორიებიდან იძულებით გადაადგილებულ პირთა, ლტოლვილთა და განსახლების სამინისტროს მიერ ინიცირებული კანონპროექტი მიიღეს.
დღეს მოქმედი რედაქციით, პირი, რომელიც ლტოლვილის სტატუსის მაძიებელია,  საზღვრის უკანონო კვეთის პასუხისმგებლობისგან თავისუფლდება. ცვლილებების თანახმად კი, ლტოლვილის სტატუსის მაძიებელი პირი, საზღვრის უკანონო კვეთის  პასუხისმგებლობისგან მხოლოდ იმ შემთხვევაში გათავისუფლდება, თუ ის უშუალოდ იმ  ქვეყნიდან შემოდის, სადაც  საფრთხე ემუქრება.
"ლტოლვილის სტატუსის მაძიებელი პირი, რომელიც შემოვიდა  საქართველოში, დღეს ის თავისუფლდება საზღვრის  უკანონო კვეთის პასუხისმგებლობისგან,  თუ ის არის ლტოლვილის სტატუსის მაძიებელი. იმ შემთხვევაშიც თუ ოკუპირებული ტერიტორიებიდან შემოვიდა.ჩვენ ვამკაცრებთ ამას და ვამბობთ, რომ მხოლოდ  იმ შემთხვევაში გათავისუფლდება, თუ ის შემოდის  იმ ქვეყნიდან, სადაც მას უშუალოდ საფრთხე ემუქრება, მაგრამ თუ ის გამოდის, მე-3, მე-4 ქვეყნის გავლით, ამ შემთხვევაში ის არ გათავისუფლდება.ოკუპირებული ტერიტორიების სტატუსსთან არაფერი შუაში არ არის, საუბარია საქართველოს საზღვარს სად გადმოკვეთავს,საქართველოს ოკუპირებული ტერიტორია არ არის საქართველოს საზღვარი, მაგრამ თუ  გადმოკვეთა საზღვარი ვთქვათ ფსოუზე, ის ქვეყანა იყო თუ არა პირველი ქვეყანა, ამაზეა საუბარი",-განაცხადა  სოზარ სუბარმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკიმ აშშ-სა და რუსეთს შორის შესაძლო დაახლოებას „ისტორიული შეცდომა“ უწოდა

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს

პაპუაშვილი - რასაც საფრანგეთში ვუყურებთ, გვახსენებს, რომ სხვის ქვეყანაში ქარის დამთესი, საკუთარში ქარიშხალს მოიმკის