დეპუტატ ირაკლი ხახუბიას შვილის, ბექა ხახუბიას გარდაცვალებაში ბრალდებული პატრულის თანამშრომლების საქმეზე, გორის რაიონულ სასამართლოში მოსამართლემ გადაწყვეტილების სარეზოლუციო ნაწილი გამოაცხადა.

სასამართლომ ათმეთაური ნუკრი ხაბელაშვილი უდანაშაულოდ ცნო და წარდგენილ ბრალდებებში გაამართლა. ხაბელაშვილი სასამართლო დარბაზიდან გაათავისუფლეს.

პატრულ-ინსპექტორი ზურა რუსიშვილი სასამართლომ დამნაშავედ ცნო 333-ე მუხლის 1-ლი ნაწილით, უფლებამოსილების გადამეტების ნაწილში და უდანაშაულოდ ცნო 116-ე მუხლის პირველი ნაწილით, რაც გაუფრთხილებლობით სიცოცხლის მოსპობას გულისხმობს. რუსიშვილს თავისუფლების აღკვეთა ერთი წლითა და ერთი თვის ვადით მიესაჯა.

გია სადაღაშვილი სასამართლომ დამნაშავედ ცნო 333-ე მუხლის 1-ლი ნაწილით და 116-ე მუხლის პირველი ნაწილით. მას თავისუფლების აღკვეთა 2 წლითა და ექვსი თვის ვადით მიესაჯა.

ბრალდების მხარე სასამართლოს გადაწყვეტილების გაასაჩივრებას აპირებს.

შეგახსენებთ, რომ პარლამენტის დეპუტატ ირაკლი ხახუბიას შვილი ბექა ხახუბია 2017 წლის 17 მაისს თბილისი--სენაკი-ლესელიძის  გზაზე გადაადგილების დროს დაიღუპა. სიცოცხლის გაუფრთხილებლობით მოსპობისა და სამსახურებრივი უფლებამოსილების გადამეტების ფაქტზე საპატრულო პოლიციის 3 თანამშრომელი სისხლის სამართლის პასუხისგებაში მიეცა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა