„ნატო რა თქმა უნდა აცხადებს ინტერესს შავი ზღვის რეგიონში უსაფრთხოებაზე, საქართველოსთან გვაქვს ამ საკითხებზე საუბარი“, - ამის შესახებ ნატო-ს გენერალურმა მდივანმა იენს სტოლტენბერგმა საქართველოს პრემიერ-მინისტრთან, მამუკა ბახტაძესთან ერთობლივ პრესკონფერენციაზე ჟურნლისტის  მიერ დასმულის კითხვის საპასუხოდ განცხადა.

სტოლტენბერგმა  შავი ზღვის რეგიონში უსაფრთხოების კუთხით არსებულ გამოწვევებზე ისაუბრა და განაცხადა, რომ შავი ზღვის რეგიონში რუსეთის ინტერესები აშკარაა და ამას ადასტურებს ხომალდები უკრაინის საზღვართან.

„მინდა შავი ზღვის რეგიონში უსაფრთხოების საკითხზე ჩემი პასუხი გაგაცნოთ,უნდა გავაცნობიეროთ, რომ მნიშვნელოვანი კონსტრუქციები ჩალაგდა, ყირიმის ანექსიის, რუსეთის მოკალათების კუთხით შავი ზღვის საზღვარზე. უკრაინის საზღვარზე ხომალდები განლაგებულია და ეს მეტყველებს რუსეთის ინტერესებზე. ნატო, რა თქმა უნდა, აცხადებს ინტერესს შავი ზღვის რეგიონში უსაფრთხოებაზე. საქართველოსთან გვაქვს ამ საკითხებზე საუბარი. ჩვენ უფრო მეტი საზღვაო ხომალდები გვაქვს, უფრო მეტი სამხედრო თანამშრომელი გვყავს, მათ შორის, რუმინეთში და სხვა ქვეყნებში და პარტნიორებთან ვმუშაობთ, მათ შორის საქართველოსთან შავი ზღვის უსაფრთხოების საკითხებზე. ჩვენ პრინციპში ორი ხომალდია შავი ზღვის აკვატორიაში, ერთი დიდი ბრიტანეთიდან, მეორე არის ფრანგული ხომალდი და რამდენიმე დღის წინ, რამდენიმე ნატოს ხომალდი მონაწილეობას იღებდა  პოსეიდონის სახელობის სწავლებაში, იმის თაობაზე თუ როგორ შეიძლება განაღმვა მოხდეს აკვატორიაში. მნიშვნელოვანი აქცენტები კეთდება თურქეთზე, ბულგარეთზე, რუმინეთზე, რომელიც შავი ზღვის მოსაზღვრეები არიან. ჯამში გაზრდილია აქცენტები შავი ზღვის უსაფრთხოების. საქართველოში ვმუშაობთ ამ საკითხებზე, რომ გამოწვევები რასაც ვხედავთ იქნეს დაძლეული და თანამშრომლობა გრძელდება საქართველოს საზღვაო ნაწილთან იმისათვის, რომ ჩვენ უფრო მეტი შევძლოთ საქართველოსთან თანამშრომლობის კუთხით, თავდაცვისუნარიანობის გაზრდის მიზნით“, - განაცხადა სტოლტენბერგმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ევროპარლამენტში მუშაობა 1 წლით სამთავრობო „რუსთავი 2“-სა და PosTV-საც აეკრძალათ -კშიშტოფ ბრეიზა

შშმ არასრულწლოვან გერსა და ცოლზე ძალადობის, იძულების და მუქარისთვის 1 პირი დააკავეს

ექიმების განცხადება: მოვუწოდებთ სახელმწიფოს, შეიმუშაოს იშვიათი დაავადებების მართვის მკაფიო პოლიტიკა

კიევის სასამართლომ ფულის გათეთრების საქმეზე უკრაინის პრეზიდენტის ადმინისტრაციის ყოფილი ხელმძღვანელი, ანდრეი იერმაკი დააკავა