2019-03-24 22:28:21, 1395 ნახვა
პოლიტიკა
პრემიერ-მინისტრმა ნატოს გენერალურ მდივანს ვახშამზე უმასპინძლა
საქართველოს პრემიერ-მინისტრმა მამუკა ბახტაძემ სამუშაო ვახშამზე უმასპინძლა ნატოს გენერალურ მდივანს რომელიც თბილისს დღეს ეწვია. მთავრობის მეთაურმა იენს სტოლტენბერგს საქართველოში ვიზიტისთვის მადლობა გადაუხადა და აღნიშნა, რომ ეს ნატოს მხარდაჭერის კიდევ ერთი ნათელი დადასტურებაა.
მხარეებმა საქართველოს ნატოში გაწევრიანების პროცესის მიმდინარეობასა და ევროატლანტიკური ინტეგრაციის გზაზე ქვეყნის მიერ მიღწეულ პროგრესზე ისაუბრეს. ნატოს გენერალურმა მდივანმა ნატოს ბუქარესტის სამიტის გადაწყვეტილებისადმი ალიანსის ერთგულება კიდევ ერთხელ დაადასტურა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
