ევროკავშირის საბჭომ EUROJUST-სა და საქართველოს შორის შეთანხმების გაფორმების გადაწყვეტილება მიიღო.

პროკურატურის პრესსამსახურის ინფორმაციით, საქართველო სამხრეთ კავკასიის რეგიონში პირველი ქვეყანაა, რომელთანაც EUROJUST-ი შეთანხმებას გააფორმებს. უახლოეს დღეებში დოკუმენტს საქართველოს მხრიდან იუსტიციის მინისტრი თეა წულუკიანი და გენერალური პროკურორი შალვა თადუმაძე მოაწერენ ხელს.

ევროპარლამენტში საქართველოსა და EUROJUST-ს შორის შეთანხმების გაფორმების საკითხზე კენჭისყრისას  საქართველოსთან შეთანხმების გაფორმებას მხარი დაუჭირა 555-მა დეპუტატმა, 29 წინააღმდეგი იყო, ხოლო 20-მა თავი შეიკავა.

„EUROJUST-თან შეთანხმება საქართველოს და ევროკავშირის ქვეყნებს შესაძლებლობას მისცემს უფრო სწრაფად და ეფექტურად ითანამშრომლონ დანაშაულის გამოძიებაში და განსაკუთრებით მნიშვნელოვანი საშუალება იქნება საერთაშორისო ორგანიზებულ დანაშაულთან ბრძოლის კუთხით.

2017 წელს, შეთანხმების გაფორმებაზე გადაწყვეტილების მიღებამდე EUROJUST-მა სიღრმისეულად შეისწავლა საქართველოს სამართალდაცვით სფეროში პერსონალური მონაცემების დაცულობის თავსებადობა ევროკავშირის რეგულაციებთან. მხოლოდ აღნიშნულზე დადებითი დასკვნის მიღების შემდეგ გადაწყდა შეთანხმების გაფორმების საკითხი.

EUROJUST  სისხლის სამართლის სფეროში თანამშრომლობის ევროკავშირის დაწესებულებაა,  რომელიც 2003 წლიდან ფუნქციონირებს ჰააგაში, ნიდერლანდების სამეფოში. ევროკავშირის წევრი თითოეული სახელმწიფო EUROJUST-ში წარმოდგენილია მეკავშირე პროკურორით. ორგანიზაციაში მეკავშირეები ჰყავთ პარტნიორ სახელმწიფოებს (აშშ, ნორვეგია, შვეიცარია და აშ). შეთანხმების გაფორმების შემდეგ, საქართველოს,  როგორც პარტნიორ სახელმწიფოს,   ანალოგიური შესაძლებლობა  მიეცემა“, - აცხადებენ პროკურატურაში.

ავტორი: ,

სოციალური ქსელები

მეუფე საბა - მეუფე შიოს 50% +1 ხმა უკვე აქვს, თუმცა, ეს იმას არ ნიშნავს, რომ გაფართოებული კრების ჩატარებას მნიშვნელობა არ აქვს

მიტროპოლიტმა ისაიამ სინოდის სხდომაზე პატრიარქობის კანდიდატად საკუთარი თავის დასახელების სურვილი გამოთქვა, თუმცა სინოდმა მხარი არ დაუჭირა

მარნეულში 10 წლის ბავშვს მანქანა დაეჯახა, იგი გარდაიცვალა, კლინიკასთან დაძაბულეობა იყო

ლევან სუთიძე - მეუფე შიომ მხარდაჭერა უკვე კამპანიის დროს მოიპოვა