ორი ახალგაზრდა რომელთა შესახებ ექსპრესნიუსმა მოკვლევა ჩაატარა სასამართლომ დარბაზიდან გაათავისუფლეს

2019-02-25 21:48:01, 2010 ნახვა

სამართალი

ქურდობის ბრალდებით დაკავებული რუსთაველი ახალგზრდები არჩილ ანთიძე და გოდერძი მახარაშვილი სასამართლო დაბაზიდან გაათავისუფლეს.
რუსთავის საქალაქო სასამართლოში , ქორდობის ბრალდებით დაკავებული ორი რუსთაველი ახალგაზრდას საქმის არსებითი განხილვა დასრულდა. სასამართლოზე დაცვის მხარემ დასკვნითი სიტყვა წარმოთქვა. სასამართლომ სრულად გაიზიარა დაცვის მხარის შუამდგომლობა და ბრალდებულები უდანაშუალოდ სცნო.

რამდენიმე დღის წინ "ექსპრესნიუსის" ჟურნალისტური მოკვლევის შედეგად დადგინდა, რომ 9 თვის განმავლობაში არჩილ ანთიძე და გოდერძი მახარაშვილი წინასწარ პატიმრობაში შესაძლოა უდანაშაულოდ იყვნენ განწესებული. - როგორც "ექსპრესნიუსმა" გაარკვია, ორი რუსთაველი ახალგაზრდის წინააღმდეგ "ტოიოტას" მარკის ავტომობილის კატალიზატორის ქურდობის მცდელობის ფაქტი არ დასტურდება.
რუსთავში რუსთაველის 19 ნომერში, ბრალდებულის არჩილ ანთიძის საცხოვრებელ ბინასთან, რუსთავის პოლიციის მე - 2 განყოფილების თანამშრომლებმა, ანთიძე და მისი მეგობარი მახარაშვილი დააკავეს. როგორც მოგვიანებით ბრალის წარდგენისას გაირკვა, პოლიცია დაკავებულებს, ანთიძის ეზოშივე, მისი მეზობლის ავტომობილიდან, ე.წ კატალიზატორის მოპარვის მცდელობას ედავებოდა. რუსთავის საქალაქო სასამართლოს გადაწყვეტილებით, ორი პოლიციელის ჩვენების საფუძველზე, ორივე ეჭვმიტანილს წინასწარი პატიმრობა შეეფარდათ.
არსებითი განხილვისას სასამართლოზე, მოწვეულმა მოწმემ, ავტოტექნიკოსმა დავით შარვაშიძემ სასამართლოს უთხრა, რომ ავტომობილი არ ყოფილა დაზიანებული და მოშვებული იყო, ორი ჭანჭიკი, რაც შესაძლოა ავტომობილის ძლიერ ჩარტყმას ან სხვა გარემოებას შეეძლო გამოეწვია. მოგვიანებით დაცვის მხარის მოთხოვნით, დაინიშნა დაქტილოსკოპიური ექსპერტიზა, პოლიციის მიერ შემთხვევის ადგილიდან ამოღებულ ქანჩებზე და თავად ავტომობილზე, სამხარაულის საექსპერტიზო ბიუროს მიერ გაცემული დასკვნით, არცერთი ეჭვმიტანილის თითის ანაბეჭდი შეთხვევის ადგილიდან არ ამოვიდა. (რედ: დაქტილოსკოპია არის კრიმინალისტიკური მეცნიერების დარგი, რომელიც შეისწავლის თითის ანაბეჭდის მიხედვით პიროვნების დადგენას. )
ამასთან არსებითი განხილვის დროს, ბრალდების მხარის მოთხოვნით ჩატარდა ოდოროლოგიური ექსპერტიზა