დედაქალაქის მასშტაბით მტაცებელი ცხოველების ძებნის  პროცესში მონადირეთა და მეთევზეთა კლუბი „ოჩოპინტრე“ ერთვება. 
ამის შესახებ შემაჯამებელ ბირიფინგზე სახელმწიფო უსაფრთხოებისა და კრიზისების მართვის საბჭს მდივნის მოადგილე გიორგი ღიბრაძემ განაცხადა. 
მისივე თქმით, კლუბის წარმომადგენლები ხელისუფლების შესაბამის ორგანოებს დაეხმარებიან, როგორც ცხოველების სამძებრო, ასევე  პოტენციურად საშიში ადგილების პატრულირების დაგეგმვის პროცესში. 
„სამონადირეო კლუბის წარმომადგენლები, რომელსაც პროფესიული ცოდნა გააჩნიათ თავისი მიმართულებით, აქვთ შესაბამისი აღჭურვლობა, ჰყავთ სპეციალურად გაწვრთნილი ძაღლები. ისინი განახორციელებენ ხელისუფლების დახმარებას, ეს იქნება რეაგირება კონკრეტულ შემთხვევებზე, როდესაც იქნება შემოსული შეტყობინება ცხოველის შესაძლო დაფიქსირების შესახებ და გარდა ამისა, პოტენციურად საშიში ადგლების პატრულირების დაგეგმვა“, – აღნიშნა ღიბრაძემ. 
„ოჩოპინტრეს“  პრეზიდენტის   გიორგი მეტრეველის მტკიცებით,  კლუბის ძაღლებით მტაცებლის რეალურად არსებობის შემთხვევაში, მას აუცილებლად იპოვნიან. 
„ჩვენი კლუბი მზაობას გამოთქვამს, რომ დაეხმაროს სახელმწიფოს ცხოველთა საძიებო სამუშაოებში. ამ დროისთვის,  ჩვენ გაგვაჩნია ყველა რესურსი, სპეციალურად გაწრთვნილი ძაღლები მტაცებლებისთვის, შესაბამისი იარაღი და აღჭურვილობა. თუ რეალურად დასტურდება მტაცებლის არსებობა ნებისმიერ ტერიტორიაზე, ჩვენი ძაღლები იპოვნიან“, – აღნიშნა მეტრეველმა. 
მეტრეველის განცხადებით, ისინი აღნიშნულ სამუშაოებში 12–დან 20მდე ძაღლის გამოყენებას გეგმავენ. 
მისივე თქმით, კლუბის წარმომადგენლებთან ერთად იქნებიან ტრანკვილიზატორებით შეიარაღებული ადამიანები და სპეცდანიშნულების წარმომადგენლები. 
ცნობისთვის, ამ დროისთვის ვეფხვის და აფთრის ძებნა მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უნგრეთში არჩევნებზე მაღალი აქტივობა შენარჩუნებულია: ამომრჩეველთა თითქმის 42%-მა უკვე მისცა ხმა.

მეუფე ნიკოლოზი: მგონი არასწორია ადამიანს უთხრა, პატრიარქობა არ შეიძლება, რადგან 70 წლის ხარ

უკრაინაში რუსეთის მიერ ცეცხლის შეწყვეტის შეთანხმების ასობით დარღვევა დაფიქსირდა

აშშ-მ და ირანმა ომის დასრულების შესახებ შეთანხმებას ვერ მიაღწიეს