2019-02-14 10:32:45, 1252 ნახვა

---

მაიკ პომპეომ მადლობა გადაუხადა საქართველოს ვენესუელას პოზიციის გამო და ქვეყანას სრული მხარდაჭერა გამოუცხადა

ამერიკის სახელმწიფო მდივანმა მაიკლ პომპეომ საქართველოს საგარეო საქმეთა მინისტრ დავით ზალკალიანს მადლობა გადაუხადა ვენესუელასთან დაკავშირებით გამოხატული პოზიციის გამო.

საგარეო საქმეთა სამინისტროს ცნობით, მაიკ პომპეომ გამოხატა მზაობა და მხარდაჭერა ქვეყნებს შორის თავდაცვის, უსაფრთხოების და სავაჭრო-ეკონომიკური ურთიერთობების განვითარების მიმართ. მაღალი შეფასება მიეცა ქვეყნებს შორის თავდაცვისა და უსაფრთხოების სფეროში არსებულ თანამშრომლობას. განსაკუთრებით აღინიშნა საქართველოს აქტიური ჩართულობა და მონაწილეობა გლობალურ საკითხებში, ამ მხრივ აშშ-ს სახელმწიფო მდივანმა მადლობა გადაუხადა ქართველ კოლეგას ვენესუელასთან დაკავშირებით გამოხატული პოზიციის გამო.
აშშ-ს სახელმწიფო მდივანმა კიდევ ერთხელ დაადასტურა ამერიკის ურყევი მხარდაჭერა საქართველოს სუვერენიტეტისა და ტერიტორიული მთლიანობისადმი და აღნიშნა, რომ აშშ ამ საკითხს განსაკუთრებულ ყურადღებას უთმობს, როგორც როგორც ორმხრივ, ასევე საერთაშორისო ფორმატებში.

---

ავტორი: ,

---

დღის თემა

მთავარი თემა

ინტერვიუ - ექსკლუზივი