„უმრავლესობაში აზრთა სხვადასხვაობა შესაძლებელია იყოს, ახლაც არის და შესაძლოა მომავალშიც იყოს და ეს არის ძალიან ნორმალური, ჩვენ ამას უნდა მივეჩვიოთ. როდესაც ასეთი მნიშვნელოვანი რეფორმა ხორციელდება, აზრთა სხვადასხვაობა არის თანმდევი პროცესი ამასთან დაკავშირებით“, - ამის შესახებ პრემიერ-მინისტრმა, მამუკა ბახტაძემ მთავრობის სხდომის დაწყების წინ ჟურნალისტებს განუცხადა.

როგორც პრემიერმა აღნიშნა,მოსამართლეთა შერჩევის პროცესი არის ძალიან მნიშვნელოვანი და შესაბამისად, ობიექტური კრიტერიუმები უნდა შემუშავდეს.

„რაც შეეხება სასამართლო სისტემას, ამის შესახებ მე არაერთხელ განვაცხადე ჩემი ერთმნიშვნელიანი პოზიცია. პარლამენტში მიმდინარეობს პოლიტიკური პროცესი სასამართლო რეფორმა გახლავთ ისე რეფორმა, რომელიც ნებისმიერი მოქალაქისთვის გახლავთ ძალიან მნიშვნელოვანი. მე, ზოგადად, ჩართულობას მივესალმები, იმიტომ რომ ეს რეფორმა ამას ნამდვილად მოითხოვს. ამასთანავე არსებობს სხვადასხვა პოლიტიკური შეფასებები და მე ვფიქრობ არის ძალიან ნორმალური და ლოგიკური. რაც შეეხება პოლიტიკური გუნდის პოზიციას, რომელსაც მე სრულებით ვეთანხმები, ვუერთდები და ვიზიარებ, რომ სასიცოცხლოდ მნიშვნელოვანია ჩამოყალიბდეს ობიექტური კრიტერიუმები და პროცედურები და მე ვფიქრობ, ეს უნდა იყოს ყველაზე მნიშვნელოვანი საკითხი, რაზეც საზოგადოება უნდა საუბრობდეს.

ჩვენი უმრავლესობასა და ზოგადად, ჩვენი პოლიტიკური გუნდს გვაერთიანებს ძალიან ბევრი რამ, მათ შორის ფასეულობები და განვითარების ის ვექტორი, რომელიც აირჩია საქართველომ და მე არაერთხელ განმიცხადებია, რომ ეს არის ჩვენი ცივილიზაციური არჩევანი, აქედან გამომდინარე უმრავლესობაში აზრთა სხვადასხვაობა შესაძლებელია იყოს, ახლაც არის და შესაძლოა მომავალშიც იყოს და ეს არის ძალიან ნორმალური, ჩვენ ამას უნდა მივეჩვიოთ. როდესაც ასეთი მნიშვნელოვანი რეფორმა ხორციელდება, აზრთა სხვადასხვაობა არის თანმდევი პროცესი ამასთან დაკავშირებით. მაგრამ არსებობს ძალიან კონკრეტული ნაბიჯები, რომელზეც მე ვფიქრობ, რომ მთელი საზოგადოება თანხმდება აუცილებლად გასაწერია ობიექტური კრიტერიუმები და პროცედურები, რომლითაც მოხდება მოსამართლეთა შერჩევა და მე ვფიქრობ, რომ ეს არის ის მთავარი საკითხი, რომელზეც უნდა ხდებოდეს მსჯელობა“, - აღნიშნა პრემიერმა.

ავტორი: ,

სოციალური ქსელები

TV Imedi: ევროპარლამენტმა 1 წლით საქმიანობა აგვიკრძალა

მოსკოვსა და ცხინვალს შორის „მოკავშირეთა თანამშრომლობის გაღრმავების შესახებ“ შეთანხმება რატიფიცირებულია

14 მაისიდან 30 ივნისის ჩათვლით ხაჯალია–სუფსის მონაკვეთზე მოძრაობა დროებით შეიზღუდება

მართვის მოწმობის არაგეგმური, 250 ლარიანი გამოცდა მხოლოდ შაბათობით ჩატარდება