2019-01-23 18:34:55, 1430 ნახვა

---

ჩუგოშვილი „ოთხოზორია-ტატუნაშვილის სიასთან“ დაკავშირებით კაპანაძის განცხადებაზე: ეს სამარცხვინოა

პარლამენტის პირველი ვიცე-სპიკერი თამარ ჩუგოშვილი „ევროპული საქართველოს“ წევრს, სერგი კაპანაძეს პასუხობს და აცხადებს, რომ ევროსაბჭოს საპარლამენტო ასამბლეაზე მაგნიტსკის სიაზე მომზადებულ რეზოლუციას, რომლის ერთ-ერთი ნაწილი ოთხოზორია-ტატუნაშვილის სიაა, მხარი დაუჭირა.

 

"მაგნიტსკის სიასთან" დაკავშირებულ ცვლილებას -  როდესაც ემატებოდა „ოთხოზორია-ტატუნაშვილის სია" და რომელზეც ახლა „ევროპული საქართველო" საუბრობს - საქართველოდან ჰყავს ოთხი ინიციატორი - ორი უმცირესობიდან: დავით ბაქრაძე და გიორგი კანდელაკი; ორი - უმრავლესობიდან: დიმიტრი ცქიტიშვილი და ზვიად კვაჭანტირაძე,  ანუ ეს ცვლილება თანაინიცირებულია. ამ საკითხს ჩვენ მხარდაჭერა აქვს და კენჭისყრიდანაც ჩანს. მთავარი ის არის, რომ ამ საკითხს არათუ ჩვენი  მხარდაჭერა აქვს, არამედ თანაავტორები ვართ ცვლილების და არ ვიცი, რას ემსახურება  ასეთი ბრიფინგების ჩატარება. მგონი, თავისი და ჩვენი დროც რომ დაუთმონ საქმეს, უკეთესი იქნება",- განაცხადა ჩუგოშვილმა.

მან პროცედურაც  განმარტა:

„დელეგაცია შედგება ძირითადი და სათადარიგო წევრებისაგან.  ხუთი წევრი არის ძირითადი და ხუთი - სათადარიგო.  ჩვენი მხრიდან  სიტყვით გამოსვლის უფლება  ქონდა ზვიად კვაჭანტირაძეს, რომელმაც ურთიერთშეთანხმებით დაუთმო ეს უფლება გიორგი კანდელაკს. სრულიად სამარცხვინოა ის, რასაც ვისმენთ „ევროპული საქართველოსგან", - აღნიშნა ჩუგოშვილმა. 

---

ავტორი: ,

---

დღის თემა

მთავარი თემა

ინტერვიუ - ექსკლუზივი