2019-01-14 13:12:22, 1746 ნახვა

---

ბესელია: ჩემთვის გუნდში დარჩენა დამოკიდებულია იმაზე, თუ რა გადაწყვეტილება იქნება მიღებული მოსამართლეთა სიაზე

„ჩემთვის უმრავლესობაში დარჩენის გადაწყვეტილება დამოკიდებულია იმაზე, თუ რა გადაწყვეტილებას მიიღებს ეს უმრავლესობა მოსამართლეთა წარმოდგენილ სიასთან დაკავშირებით“, - ამის შესახებ დეპუტატმა ეკა ბესელიამ დღეს გამართულ პრესკონფერენციაზე განაცხადა.

როგორც მან აღნიშნა, თანამოაზრეებთან ერთად ბრძოლას გააგრძელებს, რომ ქვეყანას გამართული მართლმსაჯულება ჰქონდეს.

„მეც და დარწმუნებული ვარ, ჩემი თანამოაზრეებიც, ვაგრძელებთ ბრძოლას, რომელიც დავიწყეთ და ეს არის ჩემთვის მთავარი. მე მთელი სიცოცხლე ვიბრძოდი. მუდმივად ისმის კითხვები, წავალ თუ დავრჩები, ისმის მდაბიო შეფასებები, ვინ ვის გარიცხავს, ეს ყველაფერი არის მეასეხარისხოვანი. ეს უმნიშვნელოა იმასთან შედარებით რაზეც ვსაუბრობთ, პირადად ჩემთვის უმრავლესობაში დარჩენის გადაწყვეტილება დამოკიდებულია იმაზე, თუ რა გადაწყვეტილებას მიიღებს ეს უმრავლესობა ამ სიასთან დაკავშირებით. მე არ ვიქნები იმ უმრავლესობის წევრი, რომელიც ხმას მისცემს იმ მოსამართლეებს, რომლებიც არიან დაკავშირებული სააკაშვილის ძალადობრივ სისტემასთან. მე გავაგრძელებ ბრძოლას თანამოაზრეებთან ერთად იმისთვის, რომ როცა არ ვიქნებით ხელისუფლებაში, ქვეყანას გამართული მართლმსაჯულება დავუტოვოთ“, - განაცხადა ბესელიამ.

---

ავტორი: ,

---

დღის თემა

მთავარი თემა

ინტერვიუ - ექსკლუზივი