ჩეხეთიდან და ისრაელიდან ჩამოსული ექსპერტები საქართველოს ზოოპარკს დაეხმარებიან

2015-06-16 14:56:09, 529 ნახვა

საზოგადოება

გარემოსა და ბუნებრივი რესურსების დაცვის მინისტრი გიგლა აგულაშვილი სტიქიის შედეგად დაზიანებულ თბილისის ზოოპარკში არსებულ ვითარებას ადგილზე გაეცნო.

სამინისტროს ინფორმაციით, ამ დროისთვის ზოოპარკის ტერიტორიაზე გაწმენდითი სამუშაოები მიმდინარეობს, მობილიზებულია შესაბამისი ტექნიკა და მაშველთა ჯგუფები.

ჩეხი და ებრაელი ექსპერტები ვითარებას ადგილზე სწავლობენ. ისინი მაშველებს ზოოპარკის ვოლიერებიდან მკვდარი ცხოველების გამოყვანაში ეხმარებიან. უცხოელი ექსპერტების რეკომენდაციებს გარემოსა და ბუნებრივი რესურსების დაცვის სამინისტრო კრიზისიების მართვის საბჭოს გააცნობს, რის შემდეგადაც ერთობლივად დაიგეგმება და განხორციელდება პრევენციული ღონისძიებები.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან