17 ივნისს, 19:00 საათზე გრიბოედოვის თეატრში საქველმოქმედო კონცერტი გაიმართება.  შემოსული თანხა სტიქიის შედეგად დაზარალებულ ადამიანებს გადაერიცხებათ.

„თბილისის ზ.ფალიაშვილის სახელობის ოპერისა და ბალეტის თეატრი და ა.გრიბოედოვის სახელობის რუსული დრამატული თეატრი ღრმა მწუხარებას გამოთქვამენ თბილისში მომხდარი ტრაგედიის გამო, უსამძიმრებენ გარდაცვლილთა ოჯახებს და სურთ მცირედი წვლილი შეიტანონ დაზარებული მოსახლეობის დახმარების საქმეში და მართავენ საქველმოქმედო კონცერტს. საქველმოქმედო კონცერტს უერთდებიან აგრეთვე თბილისის სახელმწიფო კონსერვატორიის სტუდენტები. შემოსული თანხა მთლიანად მოხმარდება სტიქიის შედეგად დაზარალებულ ადამიანებს.

სპექტაკლში მონაწილეობას მიიღებენ თბილისის ოპერის თეატრის სოლისტები - თეიმურაზ გუგუშვილი, ხათუნა ჭოხონელიძე, სულხან გველესიანი, კახაბერ თეთვაძე, ტარიელ ჭიჭინაძე; ოპერისა და ბალეტის თეატრის გუნდი და ორკესტრი; დირიჟორი პაპუნა ღვაბერიძე.

ფართო საზოგადოებას და განსაკუთრებით ჩვენს ერთგულ მსმენელს მოგმართავთ თხოვნით, მობრძანდეთ 17 ივნისს სპექტაკლზე. ამ ფორმით გამოვხატოთ სოლიდარობა და თანადგომა დაზარალებულების მიმართ. ბილეთის ფასია 5 ლარი. ბილეთების შეძენა შეგიძლიათ გრიბოედოვის თეატრის სალაროში და www.biletebi.ge-ზე. ერთად დავუდგეთ მხარში ჩვენს თანამოქალაქეებს, რომლებიც გასაჭირში არიან!

ოთარ თაქთაქიშვილის პირველი ოპერა „მინდია“ დაიწერა ვაჟა-ფშაველას პოემის „გველისმჭამელის“ მოტივებზე. მისი პრემიერა 1961 წლის 21 ივლისს თბილისის ოპერისა და ბალეტის თეატრში გაიმართა (პრემიერა მიეძღვნა ვაჟა-ფშაველას დაბადებიდან 100 წლისთავს). დამდგმელი დირიჟორი იყო ოდისეი დიმიტრიადი, დამდგმელი რეჟისორი - დიმიტრი ალექსიძე, დამდგმელი მხატვარი - ფარნაოზ ლაპიაშვილი. „მინდიას“ შემდგომი დადგმები განხორციელდა აგრეთვე სხვადასხვა ქალაქების საოპერო სცენებზე - ქუთაისში, ერევანში, მინსკში, მოსკოვში, ტარტუში, რიგაში, საარბრუკენში, ოლომოუცში, მაინინგენში, კოშიცეში. თბილისში ოპერა „მინდია“ ბოლოს 2005 წელს შესრულდა“, – ნათქვამია ოპერისა და გრიბოედოვის თეატრის ერთობლივ განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მეუფე ილარიონის თქმით, სინოდზე ასაკის ცენზზე შეთანხმებას ვერ მიაღწიეს, განათლებაზე არ უმსჯელიათ

წყნეთში, სკვერში დენის დარტყმის შედეგად გარდაცვლილი მოზარდის ოჯახი მომხდარზე პასუხისმგებლობას კალაძეს აკისრებს

მედვედევი: დროა, შევწყვიტოთ ტოლერანტული დამოკიდებულება მეზობლების EU-ში გაწევრიანების მიმართ

პაპუაშვილი მოლდოვის ყოფილ პრეზიდენტ დოდონს და პრორუს დეპუტატებს შეხვდა