თავდაცვის მინისტრმა სტიქიით დაზარალებულ ოჯახებს სამძიმარი გამოუცხადა

2015-06-16 00:16:25, 551 ნახვა

საზოგადოება

საქართველოს თავდაცვის უწყების ხელმძღვანელმა სტიქიის შედეგად დაზარალებულ ოჯახებს სამძიმარი გამოუცხადა და თანაგრძნობა აღუთქვა.

„მინდა, სამძიმარი გამოვუცხადო ოჯახებს, რომლებმაც ამ ძალიან მძიმე დღეების განმავლობაში, თბილისში მომხდარი წყალდიდობის შედეგად, ახლობლები, ოჯახის წევრები, მეგობრები დაკარგეს. საქართველოსთვის ეს უზარმაზარი დანაკლისია. ყველაფერს ეშველება, საქართველოს ხელისუფლება ყველაფერს აკეთებს იმისთვის, რომ აღვადგინოთ, რაც შეიძლება სწრაფად მოვაგვაროთ ინფრასტრუქტურა, რომელიც ბუნებრივი კატასტროფის შედეგად შეიქმნა. თუმცა, დაკარგულ სიცოცხლეებს ვერაფერი დააბრუნებს. ამიტომ, ერთადერთი, რაც შეგვიძლია ამ მძიმე წუთებში ისაა, რომ ვიდგეთ ამ ოჯახების გვერდით. ისინი უნდა იყვნენ დარწმუნებული, რომ საქართველოს ხელისუფლება ყველაფერს გააკეთებს იმისათვის, რომ მათ თავი არცერთი წუთით მიტოვებულად არ იგრძნონ“ - აღნიშნა თავდაცვის მინისტრმა.