„დღეს თუ ვინმე უნდა იჯდეს საბრალდებო სკამზე, ეს დავით კრიკიტაძე კი არ უნდა იყოს, უნდა იყოს იმ პროვოკაციის მთავარი ორგანიზატორი, ბატონი გიორგი გახარია“, - ამის შესახებ ენმ-ს ერთ-ერთმა ლიდერმა, ზაალ უდუმაშვილმა გურჯაანის სასამართლოსთან განაცხადა, სადაც დავით კირკიტაძის სასამართლო პროცესი უნდა გაიმართოს.

უდუმაშვილის თქმით, ველისციხეში მომხდარ ინციდენტებზე სრული პასუხისმგებლობა შს მინისტრს ეკისრება.

„გახარიამ დაგეგმა პროვოკაცია აქციის მშვიდობიანი მონაწილეების მიმართ და ჩახერგა ველისციხეში გზა და ის არის ამ დღის მთავარი ორგანიზატორი და მთავარი პროვოკატორი.იმ სასამართლოსი, რომელიც დღეს არის ქცეული პირად ნოტარიუსად ივანიშვილის, ჩვენ პოზიტიური განწყობები და იმედი არ გვაქვს, თუმცა, ამ შემთხვევაში ჩვენ უფრო იმედი გვაქვს მოსამართლის პირადი გადაწყვეტილების, რამდენად ვაჟკაცი იქნება მოსამართლე და რამდენად შეძლებს, მიიღოს ობიექტური გადაწყვეტილება“, - აღნიშნა ზაალ უდუმაშვილმა.

პროკურატურამ დავით კირკიტაძეს ბრალი უკვე წარუდგინა.

ბრალის წარდგენის შემდეგ, აღკვეთის ღონისძიების შეფარდებას, გურჯაანის სასამართლოსთან ელოდებიან დავით კირკიტაძის თანაგუნდელები. გაერთიანებული ოპოზიცია, სასამართლო პროცესის პარალელურად, საპროტესტო აქციას მართავს.

ავტორი: ,

სოციალური ქსელები

თავს დაესხნენ უცხო ქვეყნის მოქალაქეებს, სცემეს და ტელეფონები გასტაცეს- დაკავებულია 4 არასრულწლოვანი

ტრამპმა საფონდო ბირჟის მკვეთრ ვარდნაში დემოკრატები დაადანაშაულა

საგარეჯოში, ძმების დამამძიმებელ გარემოებაში ჩადენილი განზრახ მკვლელობის ფაქტზე ერთი პირი დააკავეს

Bloomberg: ფონ დერ ლაიენმა პოლონეთის პრეზიდენტთან პრესკონფერენციაზე უარი თქვა, ამით მხარი ტუსკს დაუჭირა