თურქეთის ვიცე პრეზიდენტი ფუატ ოქტაი საქართველოს ეწვია

2018-12-16 12:54:04, 937 ნახვა

პოლიტიკა

საქართველოს მე-5 პრეზიდენტის ინაუგურაციის ცერემონიაზე დასასწრებად ცოტა ხნის წინ თბილისში თურქეთის ვიცე პრეზიდენტი ფუატ ოქტაი ჩამოვიდა.

სტუმარს თბილისის საერთაშორისო აეროპორტში საგარეო საქმეთა მინისტრის მოადგილე ალექსანდრე ხვთისიაშვილი დახვდა.

მინისტრის მოადგილემ სტუმარს მადლობა გადაუხადა საქართველოში ჩამოსვლისთვის და აღნიშნა ორი ქვეყნის სტრატეგიული თანამშრომლობა და მეგობრობა.

„თურქეთისა და საქართველოს ურთიერთობები სტრატეგიული ხასიათისაა. ქვეყნები ერთობლივად ახორციელებენ მრავალ ინფრასტრუქტურულ და ენერგო პროექტებს. თბილისი და ანკარა აქტიურად თანამშრომლობენ თავდაცვისა და უსაფრთხოების საკითხებში. საქართველოს და თურქეთს შორის მოქმედებს მაღალი დონის დიალოგი სტრატეგიული საბჭოს სახით. ორივე ქვეყანა ჩართულია მნიშვნელოვან საერთაშორისო სატრანზიტო და ენერგეტიკულ პროექტებში“, - აცხადებენ საგარეო საქმეთა სამინისტროში.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები