„ახლანდელი მთავრობა არც ერთი დაღუპული გმირის ოჯახს მატერიალურად არ ეხმარება“, – ამის შესახებ საქართველოს ექს–პრეზიდენტი მიხეილ სააკაშვილი „ფეისბუქის“ ოფიციალურ გვერდზე წერს.

სააკაშვილის შეფასებით, საზოგადოების ვალია იმ ქართველი გმირის ოჯახებს აღმოუჩონოს დახმარება, რომლებიც საერთო მტერთან ბრძოლას შეეწირნენ. 

მიხეილ სააკაშვილმა მის საპრეზიდენტო ბიბლიოთეკასთან სპეციალური ანგარიში შექმნა, სადაც თანხა ჩარიცხა და საზოგადოებას იგივე ქმედებისკენ მოუწოდა. 

„ რუს აგრესორებთან ბრძოლაში, რომლებიც ამავე დროს საქართველოს ტერიტორიის ოკუპაციასაც ახორციელებენ, უკრაინაში გმირულად დაიღუპა 2 ქართველი ოფიცერი - ალეკო გრიგოლაშვილი და თამაზ სუხიაშვილი. სამწუხაროდ, ჩვენმა ახლანდელმა მთავრობამ, არა მხოლოდ შეურაცხყოფა მიაყენა ალეკო გრიგოლაშვილის ხსოვნას, არამედ არც ერთი დაღუპული გმირის ოჯახს ის მატერიალურად არ ეხმარება, არადა მათ დარჩათ შვილები და ეს ოჯახები ხელმოკლედ ცხოვრობენ.
მე მგონი, ჩვენი, როგორც საზოგადოების ვალია შეძლებისდაგვარად აღმოვუჩინოთ დახმარება, იმ ქართველი გმირების ოჯახებს, რომლებიც საერთო მტერთან ბრძოლას შეეწირნენ. ამ მიზნით, ჩემს საპრეზიდენტო ბიბლიოთეკასთან, შევქმენი სპეციალური ანგარიში, რომელზეც ჩავრიცხე დასაწყისისთვის ჩემი პირადი დანაზოგიდან - 4 ათასი ლარი და ვთხოვ ყველას, ვისაც ამის შესაძლებლობა აქვს, თუნდაც მცირედი თანხით ამიბას მხარი. ეს სწორიცაა და ამავე დროს ჩვენი ღირსების საკითხია“, – წერს მიხეილ სააკაშვილმა. 

ექს–პრეზიდენტმა „ფეისბუქის“ გვედზე საბანკო ანგარიშის ნომერი გამოაქვეყნა. 
მიმღების ბანკი: "საქართველოს ბანკი"; კოდი BAGAGE22 

მიმღების დასახელება: ა(ა)იპ ფონდი სააკაშვილის საპრეზიდენტო ბიბლიოთეკა
მიმღების ანგარიშის ნომერი: GE85BG0000000714419800

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საფრანგეთში არეულობის დროს დაახლოებით 1800 ადამიანი დააკავეს, ხოლო სასწრაფო დახმარების 500-ზე მეტი თანამშრომელი დაშავდა

ალბანეთში პრემიერ-მინისტრის გადადგომის მოთხოვნით საპროტესტო აქციები გრძელდება, პოლიცია კი რეზინის ტყვიებს იყენებს

პაპუაშვილი - რასაც საფრანგეთში ვუყურებთ, გვახსენებს, რომ სხვის ქვეყანაში ქარის დამთესი, საკუთარში ქარიშხალს მოიმკის

პოლონეთმა სამხედრო თვითმფრინავები დასავლეთ უკრაინაზე რუსეთის თავდასხმების ფონზე აფრინდა