უკრაინის ტერიტორიაზე ოთხი რუსი ჟურნალისტი არ შეუშვეს

2018-12-07 11:58:47, 3505 ნახვა

მსოფლიო

უკრაინის სასაზღვრო სამსახურმა, ჟურნალისტები ანასტასია დროზდოვა, ელენა ნიკოლაევა, იულია ნიკიტინა და ელენა ვლადიკინა უკრაინისთვის არასასურველ პერსონებად გამოაცხადა.

ჟურნალისტებს საზღვარზე დამატებით არაფერი აუხსნეს და განუცხადეს, რომ ოფიციალური კიევისთვის ისინი არასასურველი სტუმრები არიან.

26 ნოემბერს უკრაინის ტერიტორიაზე არ შეუშვეს 70 რუსეთის მოქალაქე მათ შორის, რუსი უფლებადამცველი რომან უდოტუ.

შეგახსენებთ, საომარი მდგომარეობის პერიოდში 16-დან 60-წლამდე რუსეთის მოქალაქე მამაკაცებს უკრაინამ ქვეყანაში შესვლა აუკრძალა.

უკრაინის სახელმწიფო საზღვრის სამსახურის უფროსის პეტრ ციგიკალის განცხადებით, მისი უწყება საბრძოლო მზადყოფნის პირველ დონეზეა გადაყვანილი, ანექსირებული ყირიმისა და რუსეთის გასწვრივ საზღვარს კი, გაძლიერებულად იცავენ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები