მთავრობის ადმინისტრაციის ხელმძღვანელის კახა კახიშვილის ინფორმაციით, პრემიერის ადმინისტრაციაში ბრძანებულების პროექტიც მზადდება, რომელიც ინაუგურაციის ჩატარებისთვის საჭირო კომისიის წევრებს განსაზღვრავს.

როგორც კახიშვილმა განმარტა, ბრძანება სავარაუდოდ, დღეს საღამოს გამოიცემა, რომელიც შეეხება კომისიის წევრებს.  

გარდა ამისა, მთავრობას აქვს კონსულტაცია რამდენიმე რეჟისორთან, რომელიც ღონისძიებაზე იმუშავებს, თუმცა კახიშვილის თქმით, კონკრეტულად რომელ რეჟისორს აირჩევენ ჯერჯერობით უცნობია. 

"16 დეკემბერს გაიმართება საქართველოს ახლად არჩეული პრეზიდენტის ინაუგურაცია. გუშინ მე დამევალა, რომ გავმართო კონსულტაცია ყველა შესაბამის უწყებასთან, რომელსაც თავისი კომპეტენციის ფარგლებში ხელეწიფება ამ საკიტხების ორგანიზება. ასევე მუშაოვდა პრემიერის ბრძანების პროექტი, რომელიც განსაზღვრავს ინაუგურაციის ჩატარებისთვსი საჭირო კომისიის წევრებს. ეს კომისია იმუშავებს სცენარზე და სხვა ღონისძიებებზე. კონსულტაციები გვაქვს რეჟისორებთან. ბევრი სამინისტროც არის ჩართული", - განაცხადა კახა კახიშვილმა.

მისივე თქმით, ინაუგურაციის ხარჯები დათვლილი ამ დროისთვის არ არის. 

ავტორი: ,

სოციალური ქსელები

თავს დაესხნენ უცხო ქვეყნის მოქალაქეებს, სცემეს და ტელეფონები გასტაცეს- დაკავებულია 4 არასრულწლოვანი

ტრამპმა საფონდო ბირჟის მკვეთრ ვარდნაში დემოკრატები დაადანაშაულა

საგარეჯოში, ძმების დამამძიმებელ გარემოებაში ჩადენილი განზრახ მკვლელობის ფაქტზე ერთი პირი დააკავეს

Bloomberg: ფონ დერ ლაიენმა პოლონეთის პრეზიდენტთან პრესკონფერენციაზე უარი თქვა, ამით მხარი ტუსკს დაუჭირა