ლიტვაში საქართველოს დასახმარებლად საქველმოქმედო კონცერტი გაიმართება

2015-06-14 20:23:20, 484 ნახვა

საზოგადოება

ლიტვის ქალაქ შაულიაში საქართველოს დასახმარებლად საქველმოქმედო კონცერტი გაიმართება. საქართველოს საგარეო საქმეთა სამინისტროს ინფორმაციით, აღნიშნული გადაწყვეტილება შაულას ადმინისტრაციამ მიიღო.
უწყების ცნობით, შემოსული თანხა თბილისში სტიქიის შედეგად დაზარალებულთა დასახმარებლად გადაირიცხება.
ცნობისთვის, წუხელ, ძლიერი წვიმის შედეგად, დედაქალაქის რამოდენიმე ქუჩა დაიტბორა. გმირთა მოედნიდან ე.წ. მშრალ ხიდამდე გზის საფარი დაზიანდა. მძიმე ვითარებაა ვაკისა და საბურთალოს რაიონებში, მდინარე ვერეს მიმდებარე ტერიტორიაზე, სადაც ადიდებულმა მდინარე ვერემ ვაკე-საბურთალოს ახალი გზა სრულად დატბორა. დაიტბორა ასევე ზოოპარკის ტერიტორია, წყნეთი-ბეთანიის გზაზე ჩამოწვა მეწყერი. სტიქიის შედეგად, ბოლო ინფორმაციით, 12 ადამიანია დაღუპული. მათ შორის არიან მაშველები.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან