გაერო-ს უშიშროების საბჭომ ქერჩის სრუტეში არსებულ ვითარებაზე რუსეთის რეზოლუცია დაბლოკა

2018-11-26 21:02:09, 2832 ნახვა

მსოფლიო

გაერო-ს უშიშროების საბჭომ საგანგებო სხდომაზე ქერჩის სრუტეში არსებულ ვითარებასთან დაკავშირებით რუსეთის მიერ წარდგენილი რეზოლუცია დაბლოკა, - ამის შესახებ "ამერიკის ხმა" იუწყება.

მედია საშუალების ინფორმაციით, დოკუმენტის წინააღმდეგ 7 წევრი გამოვიდა, მათ შორის ამერიკის შეერთებული შტატებ. როზულიციას მხარი 4 წევრმა დაუჭირა, ხოლო კიდევ ოთხმა კენჭისყრაში მონაწილეობისგან თავი შეიკავა.

საბჭოს მუდმივმა წევრებმა საფრანგეთმა, ჰოლანდიამ, პოლონეთმა, შვედეთმა და დიდმა ბრიტანეთმა, ოფიციალურ მოსკოვს მოუწოდეს, დაკავებული უკრაინელი მეზღვაურები გაათავისუფლოს. მათ შექმნილ ვითარებასთან დაკავშირებით შეშფოთება გამოთქვეს და რუსუთის მიერ წარმოებული პოლიტიკა გააკრიტიკეს.

ცნობისთვის, გაერო-ს უშიშროების საბჭოს საგანგებო სხდომა რუსეთისა და უკრაინის მოთხოვნით, ქერჩის სრუტეში განვითარებული მოვლენების ფონზე დაინიშნა.