2018-11-21 15:47:03, 1631 ნახვა

---

გახარია რუსეთის 3 მოქალაქეზე: ოკუპაციის შესახებ კანონი იყო დარღვეული, მივიღეთ ის გადაწყვეტილება რაც უნდა მიგვეღო

შინაგან საქმეთა მინისტრმა გიორგი გახარიამ რუსი კინემატოგრაფების თბილისის აეროპორტიდან გაბრუნების საკითხს ეხმაურება.

როგორც გახარიამ აღნიშნა, რუსი მოქალაქეების მიერ ოკუპაციის შესახებ კანონი იყო დარღვეული. 

„ეს ხდებოდა რამდენიმე საათის უკან, როდესაც ჩვენ გზაში ვიყავით. რეალურად, ჩვენ მივიღეთ ის გადაწყვეტილება, რა გადაწყვეტილებაც უნდა მიგვეღო. ჩვენ ბევრი საბაბი გვაქვს იმისთვის, რომ არასასურველი ადამიანები, მოქალაქეები ჩვენს ქვეყანაში არ შემოვუშვათ. რაც გავაკეთეთ, მათ შორის, იმ მიზეზის გამო, რომ ოკუპაციის შესახებ კანონი იყო დარღვეული,“ - განაცხადა გიორგი გახარიამ.

ცნობისთვის, რუსეთის 3 მოქალაქე, რომლებიც თბილისში „სპუტნიკის“ მიერ მხარდაჭერილ კინოფესტივალზე დასასწრებად ჩამოვიდნენ, ქვეყანაში არ შემოუშვეს.

---

ავტორი: ,

---

დღის თემა

მთავარი თემა

ინტერვიუ - ექსკლუზივი