2018-11-19 16:20:55, 596 ნახვა

---

ბავშვთა დღესთან დაკავშირებით, „ბათუმის ბულვარი“-ს ორგანიზებით გამოფენა „ჩემი კეთილდღეობა“ გაიმართება

20 ნოემბერს, მსოფლიო ბავშვთა დღესთან დაკავშირებით, სსიპ „ბათუმის ბულვარი“-ს ორგანიზებით სასტუმრო ინტურისტში 17:00 საათზე, გაიმართება ღონისძიება, სადაც წარმოდგენილი იქნება ბავშვთა ნახატებისა და ნამუშევრების გამოფენა, სახელწოდებით „ჩემი კეთილდღეობა“.

ამ ღონისძიების ფარგლებში, მსოფლიო ბავშთა მიმართ სოლიდარობის გამოცხადების ნიშნად გამოვლინდება 10 საუკეთესო ნახატი და ასევე მშობლების მიერ დაწერილი 10 საუკეთესო წერილი სახელწოდებით - „წერილი შვილს“.

აგრეთვე, ხელი მოეწერება სსიპ ბათუმის ბულვარსა და აჭარის ა.რ. განათლების კულტურის და სპორტის სამინისტროს, ბათუმის ბულვარსა და აჭარის ა.რ.სოციალური უზრუნველყოფის სააგენტოს, ბათუმის ბულვარსა და ბათუმის შ.რუსთაველის სახელმწიფო უნივერსიტეტს შორის ურთიერთთანამშრომლობის შესახებ მემორანდუმებს, რომლის მიზანია ბავშვთა განათლების ხელშეწყობა და უსაფრთხო გარემოს უზრუნველყოფა, ასევე ბავშვებისა და ახალგაზრდების აქტიური მონაწილეობა საზოგადოებრივ საქმიანობაში. ბულვარის ადმინისტრაცია სამომავლოდ აქტიურად გეგმავს სამთავრობო და არასამთავრობო სექტორთან კოორდინირებით სოციალური პროექტების განხორციელებას, რომელიც ხელს შეუწყობს სოციალურად დაუცველ ბავშვებზე ზრუნვას.

იმის გათვალისწინებით, რომ UNICEF მოუწოდებს ყველა კერძო თუ საჯარო უწყებას აწარმოონ კამპანია #დაასრულეძალადობა და უზუნველყონ ბავშვების უსაფრთხოება სახლში, სკოლასა თუ საზოგადოებრივ სივრცეებში, მნიშვენლოვანია მოხდეს ბავშვებისთვის ინფორმაციის მიწოდება მათთვის გასაგებ ენაზე თავიანთი უფლებების შესახებ. ამ დღეს, ღონისძების ფარგლებში ახალგაზრდა იურისტთა ასოციაციის წარმომადგენელი ჩაატარებს მოკლე ლექციას და მოსწავლეებს საჩუქრად დაურიგდებთ ბავშვთა უფლებათა კონვენცია.

---

ავტორი: ,

---

დღის თემა

მთავარი თემა

ინტერვიუ - ექსკლუზივი