2018-11-14 17:18:54, 799 ნახვა

---

დიაბეტის მსოფლიო დღესთან დაკავშირებით, ბათუმის ენდოკრინოლოგიის ცენტრში უფასო სამედიცინო აქცია ჩატარდა

14 ნოემბერი დიაბეტის მსოფლიო დღეა. თარიღთან დაკავშირებით ბათუმის ენდოკრინოლოგიის ცენტრში უფასო სამედიცინო აქცია ჩატარდა.

აქციის ფარგლებში, დიაბეტის რისკ ჯგუფის მქონე პაციენტებს (ჭარბი წონა, დამძიმებული მემკვიდრეობა) ჩაუტარდათ სკრინინგი და გლუკოზის დონის განსაზღვრა სისხლში. კლინიკამ რამდენიმე პაციენტს გადასცა გლუკომეტრის აპარატი.

სახელმწიფო ახორციელებს დიაბეტის მართვის პროგრამას, რომლის მიზანია შაქრიანი და უშაქრო დიაბეტით დაავადებული პაციენტების ამბულატორიული მეთვალყურეობის გაუმჯობესება, შესაძლო გართულებების პრევენცია და სპეციფიკური მედიკამენტებით უზრუნველყოფა.

პროგრამის შესახებ დეტალური ინფორმაცია იხილეთ ბმულზე: http://ssa.gov.ge/index.php?lang_id=&sec_id=813  

► საყოველთაო ჯანდაცვის პროგრამით ფინანსდება ენდოკრინოლოგის კონსულტაცია

► ქრონიკული დაავადებების სამკურნალო მედიკამენტებით უზრუნველყოფის პროგრამით ფინანსდება მეორე ტიპის დიაბეტის მედიკამენტები: • მეტფორმინი • გლიმეპირიდი • გლიკლაზიდი

⤵ დიაბეტის შესახებ ვრცელი ინფორმაცია იხილეთ აქ 

 

 

(NS)

---

ავტორი: ,

---

დღის თემა

მთავარი თემა

ინტერვიუ - ექსკლუზივი