საბერძნეთში, ტრეფიკინგში ბრალდებულ საქართველოს მოქალაქეს 290-წლიანი პატიმრობა მიუსაჯეს

2018-11-13 13:38:48, 3163 ნახვა

მსოფლიო

სალონიკის სასამართლომ ტრეფიკინგში ბრალდებულ საქართველოს მოქალაქეს 290-წლიანი პატიმრობა მიუსაჯა, - ამის შესახებ ბერძნული გამოცემა Protothema იუწყება.

მედია საშუალების ინფორმაციით, სასამართლომ საქართველოს მოქალაქე არალეგალი მიგრანტების ტრეფიკინგის 9 შეთხვევაში ცნო დამნაშავედ, რომლებიც 2016-2017 წლებში ხორციელდებოდა.

მედიის ცნობით, საქართველოს მოქალაქე იმ კრიმინალურ დაჯგუფებას ხელმძღვანელობდა, რომელსაც გარკვეული თანხის სანაცვლოდ თურქეთიდან სალონიკსა და ათენში მიგრანტები გადაჰყავდა. ერთ-ერთი ასეთი პროცედურის დროს, ავარიაში ირანის მოქალაქე დაიღუპა. სწორედ ამ შემთხვევის დროს პოლიციამ დაჯგუფებაზე გასვლა შეძლო.

გამოცემა წერს, რომ ავტომობილის მძროლს, რომელსაც 14 მიგრანტი გადაჰყავდა 85 წელი მიუსაჯეს. ის 30 წლის, მოლდოვას მოქალაქეა.

სასამართლო პროცესზე ყველა ბრალდებული ჩადენილ დანაშაულს უარყოფდა. სულ საქართველოს მოქალაქესთან ერთად დამნაშავედ, საბერძნეთის ერთი და მოლდოვის ერთი მოქალაქე ცნეს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები