ქარელში სოფელ არადეთში ნავთობისა და გაზის კორპორაციას სოფლის საკუთრებაში არსებულ მიწაზე გაზსადენი მილი გაჰყავს.

სოფლის მოსახლეობა აცხადებს, რომ ასობით ჰექტარის ნათესები განადგურების საფრთხის წინაშეა.

ადგილობრივების ინფორმაციით, კორპორაციასთან კონტრაქტი 2012 წელს გააფორმეს, თუმცა სამუშაოების შესახებ ორგანიზაციას ისინი წინასწარ უნდა გაეფრთხილებინა და პროექტის განხორციელება მოსავლის აღების შემდეგ უნდა დაწყებულიყო, გაზაფხულისთვის კი მიწები დასამუშავებლად სოფელს დაბრუნებოდა.

„2012 წელს დაგვიდო გაზის კომპანიამ ხელშეკრულება იმ პირობით, რომ მოსავალს ავიღებდით, შემოდგომაზე გაატარებდნენ ტექნიკას, ჩადებდნენ გაზის მილს და გაზაფხულზე ჩაგვაბარებდნენ იგივე მიწას, სადაც შეგვეძლება მოსავლის მოყვანა. ახლა ჩვენ გაუფრთხილებლად სამი წლის შემდეგ ჩამოვიდნენ, ხალხმა ბანკიდან ვალები აიღო, დაამუშავა ყველაფერი და მოსულ მოსავალს აფუჭებენ“, - აცხადებს სოფლის მოსახლეობა.

ადგილობრივი ხელისუფლებისა და გაზის კორპორაციის განცხადებით, სამუშაოები ორშაბათამდე არ განახლდება. მანამდე კი ადგილობრივებთან კომპენსაციაზე მოლაპარაკებებს გამართავენ.

„ამ პერიოდისთვის ხელმეორედ ითვლება კულტურათა ფასთა სხვაობა და მოსახლეობას ის თანხები გადაეცემა. რაღაც გაუგებრობაა მომხდარი და ამან გამოიწვია ხალხის აღშფოთება, საკითხში გავერკვევით“, - განაცხადა ნავთობისა და გაზის კორპორაციის წარმომადგენელმა გიორგი ცარაულმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ივანიშვილის წარმომადგენელი კობახიძე ოპოზიციურ პარტიებს ჰიტლერს ადარებს და მათი აკრძალვის აუცილებლობაზე საუბრობს

ძმები ფეიქრიშვილების დედა, ნინო აბრამიშვილი - შვილები არ მომიკვდეს მე კამერაში. იცოდეთ შვილები არ მომიკვდეს

ადვოკატი - დავით ფეიქრიშვილს ფიზიკური დაზიანებები აქვს, გოგამ თვითდაზიანება მიიყენა

კობახიძე - ოპოზიციური პარტიების აკრძალვა პირველ რიგში, ქართველი ხალხის ინტერესებშია, მათ შორის მათი ამომრჩევლის