კანაფის კულტივაცია/ექსპორტის შესახებ კანონპროექტს პარლამენტიდან უახლოეს დღეებში გაიწვევენ.

ამის შესახებ პარლამენტის თავმჯდომარემ ირაკლი კობახიძემ საპატრიარქოში სასულიერო პირებთან შეხვედრი დასრულების შემდეგ განაცხადა.

"მთელ რიგ საკითხებზე გვქონდა საუბარი. მთავარი საკითხი იყო კანონპროექტი, რომელიც ეხება კანაფის კულტივაციას. ამასთან დაკავშირებით, ჩვენ გვქონდა მსჯელობა გუნდში, მათ შორის უმრავლესობის გუშინდელ შეხვედრაზე, რომელსაც პრეზიდენტობის კანდიდატი სალომე ზურაბიშვილის ესწრებოდა. ჩვენ მივიღეთ გადაწყვეტილება, რომ კანონპროექტის გაწვევა მომხდარიყო. გუნდის შიგნით მოგეხსენებათ, გვქონდა აზრთა სხვადასხვაობა და საბოლოო გადაწყვეტილება მიღებული არ იყო. მას მივიღებდით მხოლოდ ფართო კონსენსუსის საფუძველზე. ეს გადაწყვეტილება მათ შორის ეკლესიასთან შეთანხმებით იქნებოდა მიღებული. ეს პირობა შევასრულეთ. საუბარი იყო ვადებზე, თუმცა გუშინ, ქალბატონმა სალომე ზურაბიშვილმა დააფიქსირა პრინციპული პოზიცია, იმასთან დაკავშირებით, რომ საზოგადოების განწყობიდან გამომდინარე არ იყო მიზანშეწონილი ამ გადაწყვეტილების მიღების გადავადება. შესაბამისად ეს გადაწყვეტილება ახლა მივიღეთ და ის მთავრობის უახლოეს სხდომაზე გაფორმდება. ამ არჩევნებმაც გვაჩვენა ის განწყობა, რომელიც ჩამოყალიბებულია საზოგადოებაში და ესეც გახდა გადაწყვეტილების მიღების საფუძველი", - განაცხადა ირაკლი კობახიძემ.

ავტორი: ,

სოციალური ქსელები

უკრაინული დრონების დაბომბვის და ნავთობის წვიმის შემდეგ, რიაზანში საგანგებო მდგომარეობა გამოცხადდა.

დრონებმა რუსეთის ნავთობგადამამუშავებელი ქარხნის სიმძლავრის 11% პარალიზება მოახდინეს

საგარეო: ანდრეი სიბიგასთან შეხვედრაზე ხაზი გაესვა უკრაინის მხრიდან გადადგმულ ნაბიჯებს

პუტინის რეიტინგის გაანგარიშების მეთოდოლოგია შეიცვალა 8 წლის განმავლობაში ყველაზე მკვეთრი ვარდნის შემდეგ