საჯარო რეესტრის ეროვნული სააგენტოს მიერ ბლოკჩეინის ტექნოლოგიის გამოყენების გამოცდილება  ქალაქ  ვენაში გამართულ საერთაშორისო კონფერენციაზე განიხილეს.

მოხსენება სათაურით "ბლოკჩეინი მთავრობისთვის – კონცეფციიდან რეალობამდე" – საჯარო რეესტრის პროექტების  მართვისა და გაყიდვების სამსახურის უფროსის მოვალეობის შემსრულებელმა მარიამ ტურაშვილმა წარადგინა.  მან უძრავი ქონების რეგისტრაციაში ბლოკჩეინ ტექნოლოგიის გამოყენების მიმართულებით  საჯარო რეესტრის გამოცდილებაზე, სამომავლო გეგმებზე,  პროექტის შესაძლებლობებსა და გამოწვევებზე ისაუბრა.

საჯარო რეესტრის წარმომდგენლები ქალაქ ვენაში ევროკომისიისა და ავსტრიის პარლამენტის მოწვევით იმყოფებიან, როგორც იმ სახელმწიფო უწყების წარმომადგენლები, რომელმაც უძრავი ქონების  რეგისტრაციისას ბლოკჩეინის ტექნოლოგია მსოფლიოში პირველმა გამოიყენა. 

სახელმწიფო რეგისტრაციებსა და ტრანზაქციებში ბლოკჩეინის დანერგვის მთავარი უპირატესობა ამონაწერის სანდოობა და უსაფრთხოების გაზრდაა.   დღეის მდგომარეობით  საჯარო რეესტრის ეროვნული სააგენტოს ბლოკჩეინის სისტემაში მილიონ ხუთასი  ათასზე მეტი ამონაწერის შესახებ ინფორმაციაა  გაგზავნილი.

2018 წლის პირველი ივლისიდან ავსტრია ევროკომისიის პრეზიდენტი ქვეყანაა და უსაფრთხოებასა და სტაბილურობასთან ერთად, მის პრიორიტეტებში, მონაცემთა დიგიტალიზაციისა და ბიზნეს პროცესების ელექტრონულად წარმართვისა და ავტომატიზაციის გზით ევროპის კომპეტენტურობის გაზრდა და შენარჩუნებაცაა.

კონფერენცია Crowd Dialog Europe 2018 უკვე მეოთხე წელია ტარდება და მას ევროპის 28 ქვეყნის 250 დელეგატი ესწრება, საქართველოს დელეგაცია კი წელს პირველად იყო მიწვეული. ღონისძიებაზე ექსპერტები, სამთავრობო  და ბიზნეს სექტორის წარმომადგენლები ერთმანეთს ცოდნას და გამოცდილებას უზიარებენ  სერვისებში ინოვაციური  ტექნოლოგიების დანერგვის, დიგიტალიზაციისა და ალტერნატიული ფინანსების  მიმართულებით.

კონფერენციას საჯარო რეესტრის წარმომადგენელთან ერთად, ასევე ესწრებოდნენ იუსტიციის სამინისტროს სსიპ სმარტლოჯიკისა და ეკონომიკის სამინისტროს სსიპ საქართველოს ინოვაციებისა და ტექნოლოგიების სააგენტოს წარმომადგენლები.

(NS)

ავტორი: ,

სოციალური ქსელები

უკრაინული დრონების დაბომბვის და ნავთობის წვიმის შემდეგ, რიაზანში საგანგებო მდგომარეობა გამოცხადდა.

დრონებმა რუსეთის ნავთობგადამამუშავებელი ქარხნის სიმძლავრის 11% პარალიზება მოახდინეს

საგარეო: ანდრეი სიბიგასთან შეხვედრაზე ხაზი გაესვა უკრაინის მხრიდან გადადგმულ ნაბიჯებს

პუტინის რეიტინგის გაანგარიშების მეთოდოლოგია შეიცვალა 8 წლის განმავლობაში ყველაზე მკვეთრი ვარდნის შემდეგ