2015-01-21 10:37:49, 410 ნახვა

---

ეკა ბესელია ვაზაგაშვილების საქმეებზე პასუხისმგებლობას სააკაშვილის ხელისუფლებას აკისრებს

ადამიანის უფლებათა დაცვის კომიტეტის თავმჯდომარის ეკა ბესელიას შეფასებით, შესაძლოა, იური ვაზაგაშვილის გარდაცვალება მისი შვილის, ზურაბ ვაზაგაშვილის საქმის გამოძიებასთან კავშირში იყოს.

როგორც ბესელიამ აღნიშნა, ზურაბ ვაზაგაშვილის საქმის გამოძიება უკვე დასასრულს უახლოვდებოდა.

"ეს შემზარავი ფაქტი გარკვეულ ბმაში ალბათ არის მისი შვილის გარდაცვალების ფაქტის გამოძიებასთან.  გამოძიება  დაჩქარების შემდეგ, პრაქტიკულად, უკვე იყო  მისული ფინალურ ეტაპზე.ეს ის საქმეებია, რომელთა ტრაგედია არის სწორედ სააკაშვილის ხელისუფლების პასუხისმგებლობა. ჩვენი, ხელისუფლების პასუხისმგებლობა არის ის, რომ ამ საქმეების გამოძიება ბოლომდე მიყვანილი იყოს",-განაცხადა ეკა ბესელიამ.

შეგახსენებთ, გუშინ იური ვაზაგაშვილი მისი შვილის საფლავზე აფეთქდა. ის ადგილზე გარდაიცვალა. გარდაცვლილის ცხედარს  ამწუთებში ექსპერტიზა უტარდება.

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი