დედაენის ბაღთან სადაც „გირჩი“ კანაფის ფესტივალის გამართვას გეგმავს, კონტრაქცია მიმდინარეობს.

აქციას გურამ ფალავანდიშვილი და მისი თანამოაზრეები მართავენ.

აქციის მონაწილეებს ბაღის მიმდებარე ტერიტორიაზე ბანერები აქვთ მიტანილი, წარწერით: „ნარკომანია სიკვდილია“, „არა ნარკოტიკებს“, „ეს არის გზა ჯოჯოხეთისკენ“.

ისინი დედაენის ბაღში „კანაფის ლეგალიზაციის ფესტივალს“ აპროტესტებენ და აცხადებენ, რომ გირჩის წევრებს სურთ, „ახალგაზრდებს გონება აურიონ“.

„ნარკომანია არის გზა ჯოჯოხეთისკენ. ეს ადამიანები ცდილობენ ამ სენის ლეგალიზაციას. უნდა გავაპროტესტოთ დაგეგმილი ფესტივალი, სანამ ჯერ კიდევ კანონი ჩვენ მხარეს არის, ხმა უნდა ავიმაღლოთ“, - აცხადებენ აქციის მონაწილეები.

აღსანიშნავია, რომ ბაღის მიმიდებარე ტერიტორიაზე სამართალდამცველების ცოცხალი კორდონი დგას. ისინი კონტრაქციის მონაწილეებს ბაღში შესვლის საშუალებას არ აძლევენ.

ამასთან, ფესტივალის მონაწილეებისა და რიგითი მოქალაქეებისთვის ბაღში შესვლა სპეციალურად მოწყობილი კორიდორებით არის შესაძლებელი.

„კანაფის ლეგალიზაციის ფესტივალი“ 16:20 საათზეა დაგეგმილი.

ავტორი: ,

სოციალური ქსელები

უკრაინული დრონების დაბომბვის და ნავთობის წვიმის შემდეგ, რიაზანში საგანგებო მდგომარეობა გამოცხადდა.

დრონებმა რუსეთის ნავთობგადამამუშავებელი ქარხნის სიმძლავრის 11% პარალიზება მოახდინეს

საგარეო: ანდრეი სიბიგასთან შეხვედრაზე ხაზი გაესვა უკრაინის მხრიდან გადადგმულ ნაბიჯებს

პუტინის რეიტინგის გაანგარიშების მეთოდოლოგია შეიცვალა 8 წლის განმავლობაში ყველაზე მკვეთრი ვარდნის შემდეგ