|
2018-10-09 17:33:51, 1433 ნახვა
კომენტარი
ფრანკფურტის მერი - ქართული დამწერლობა შედევრია
ქართული დამწერლობა არის შედევრი, რომელიც იუნესკომ კულტურული მემკვიდრეობის სიაში შეიტანა, - ამის შესახებ ფრანკფურტის მერმა პეტერ ფელდმანმა საქართვეელოს პრემიერ-მინისტრ მამუკა ბახტაძის პატივსაცემად ფრანკფურტის მერიაში გამარტულ მიღებაზე სიტყვით გამოსვლისას განაცხადა. პეტერ ფელდმანმა აღნიშნა, რომ საქართველო არის მშვენიერი ბუნების ქვეყანა ულამაზესი დედაქალაქით, უმდიდრესი სამზარეულოთი და ძალიან სტუმართმოყვარე ხალხით. “ბატონო პრემიერ-მინისტრო, ჩვენთვის უდიდესი პატივია გიმასპინძლოთ ფრანკფურტის მერიის იმპერატორთა დარბაზში, რომელიც ჩვენი ყველაზე ცნობილი დარბაზია და სადაც ყოველთვის საპატიო სტუმრებს ვმასპინძლობთ და მათ შორის არიან წიგნის ფესტივალის სტუმრები. კეთილი იყოს ფრანკფურტის წიგნის ბაზრობაზე საქართველოს საპატიო სტუმრობა. ეს არის უმნიშვნელოვნესი მოვლენა. პრეზენტაციის მთავარი თემაა ქართული ანბანი და მისი 33 ასო-ბგერა, რომლითაც ჩვენი სტუმარი ქართველი მწერლები გამოხატავენ საკუთარ თავებს. ქართული დამწერლობა არის შედევრი, რომელიც იუნესკომ კულტურული მემკვიდრეობის სიაში შეიტანა. ვიცი, რომ მრავალფეროვანი ლიტერატურული და კულტურული პროგრამა ჩამოგვიტანეთ. საპატიო სტუმრის პროგრამა წიგნის ფესტივალის სტუმრებს აძლევს საშუალებას, ჩაუღრმავდნენ მის კულტურას. საქართველოს უკვე ფართო საზოგადოება იცნობს. ეს არის მშვენიერი ბუნების ქვეყანა ულამაზესი დედაქალაქით, უმდიდრესი სამზარეულოთი და ძალიან სტუმართმოოყვარე ხალხით. მოხარული ვართ, რომ გმასპინძლობთ გამოფენაზე, რომელმაც 1480 წლიდან თავი დაიმკვიდრა, როგორც უმნიშვნელოვანესმა ღონისძიებამ, რომლის ფარგლებში ასევე იყიდება წიგნები და ეწყობა ბევრი ღონისძიება, მათ შორის ავტორების, გამომცემლების ჩართულობით. ქართული პავილიონის ყველა სტუმარს ვუსურვებ, მაქსიმალურად ჩაუღრმავდეს წიგნებს და მიიღოს დიდი სიამოვნება. დიდ მადლობას ვუხდი გამოფენის ორგანიზატორებს, სტუმრებსა და ქართველ ავტორებს და ყოველივე საუკეთესოს გისურვებთ”, - განაცხადა პეტერ ფელდმანმა.
|
რედაქტორის რჩევით
პუტინმა ევროკავშირში მთავარი მოკავშირე დაკარგა: ორბანმა უნგრეთის არჩევნები წააგო
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ომი უკრაინაში
რუსებმა ოდესაში საცხოვრებელი სახლები დაბომბეს, რის შედეგადაც ორი ადამიანი დაიღუპა და 15 დაშავდა
რუსებმა დნეპრის ცენტრში მაღალსართულიან შენობა დაბომბეს, რის შედეგადაც ორი ადამიანი დაიღუპა და 10 დაშავდა
ვიდეო/LIVE პატრიარქის ილია მეორის დაკრძალვა - პირდაპირი
2025 წელს, ემიგრანტების რიცხოვნობამ 114 374 კაცი შეადგინა, ყველა მათგანი შრომისუნარიანი იყო
დღის თემა
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|





epn.ge (@expressnews.ge)