ექიმების კონსილიუმი შეთანხმდა, რომ ყოფილ პრემიერ-მინისტრს, ვანო მერაბიშვილს ჰორნერის სინდრომი აქვს, თუმცა გამომწვევი მიზეზები კვლავ დაუდგენელია, - ამის შესახებ მერაბიშვილის ადვოკატმა გიორგი ჩივიაშვილმა ჟურნალისტებს განუცხადა.

როგორც მან აღნიშნა, ექიმები ამ ეტაპზე დამატებითი მკურნალობის დანიშვნის აუცილებლობას ვერ ხედავენ.

„ყველა ექიმი შეჯერდა იმაზე, რომ ისევ იგივე ნიშნულზე ვართ და ეს არის ჰორნერის სინდრომი. რითია გამოწვეული ამის შესახებ უჭირთ საუბარი. იქ იყო   რაღაც განსხვავებული აზრები. ახლა მიმდინარეობს მათი მოსაზრებების დაფიქსირება.  როდესაც  გადმოგვცემენ ამ დოკუმენტს უფრო მეტი გვეცოდინება ბუნებრივია. მაგრამ ის დაზუსტებით  შემიძლია გითხრათ, რომ როდესაც მათ გასინჯეს მერაბიშვილი, მათ  პრაქტიკულად  უთხრეს ის, რომ ჩავარდნილი თვალი შეიძლება დარჩეს ესე. შეიძლება გაუმჯობესდეს, შეიძლება არ გაუმჯობესდეს. მკურნალობას რაც შეეხება, ექიმების უმეტესობა ამბობდა, რომ ამ მომენტისთვის მკურნალობას ვერ დაუნიშნავენ, რადგან ამის საჭიროებას გამორიცხავენ“, - განაცხადა გიორგი ჩივიაშვილმა.

ცნობისთვის, ვანო მერაბიშვილი ე.წ. მატროსოვის ციხიდან კლინიკაში 2 ოქტომბერს გადაიყვანეს. როგორც სპეციალურ პენიტენციურ სამსახურში განმარტეს, მის სიცოცხლეს საფრთხე არ ემუქრება და კლნიკაში გადაყვანა დამატებითი სისხლის ანალიზის ჩასატარებლად გახდა საჭირო. ყოფილ პრემიერს სასჯელაღსრულების დაწესებულებაში სავარაუდოდ, დღეს დააბრუნებენ.

ავტორი: ,

სოციალური ქსელები

პუტინის რეიტინგის გაანგარიშების მეთოდოლოგია შეიცვალა 8 წლის განმავლობაში ყველაზე მკვეთრი ვარდნის შემდეგ

ევროსაბჭომ პუტინისთვის სპეციალური ტრიბუნალის შექმნის გადაწყვეტილებას მხარი დაუჭირა

თიბისი კაპიტალმა და ამერიკის სავაჭრო პალატამ ბიზნესთან ტრადიციული შეხვედრა გამართეს

ტელეკომპანია თრიალეთმა პროკურატურას მიმართა - საჯარო რეესტრის შესაძლო დანაშაულის გამოძიების მოთხოვნით