შუახევის მერი პროექტების ციკლის მართვის ექსპერტს შეხვდა

2018-09-27 18:02:43, 688 ნახვა

რეგიონი

შუახევის მერმა ფრიდონ ფუტკარაძემ „eptisa”-ას პროექტების ციკლის მართვის ექსპერტ ენტონი ლითლისთან შეხვედრა გამართა.

შეხვედრას მერის მოადგილე ომარ ტაკიძე და ეკონომიკის, არქიტექტურისა და ინფრასტრუქტურის სამსახურის უფროსი დავით დავითაძე ესწრებოდნენ.

შეხვედრის მიზანს მუნიციპალიტეტში ადგილობრივი თვითმმართველობისათვის ინფრასტრუქტურული პროექტების ციკლის მართვის გასაუმჯობესებელი ტექნიკური დახმარება წარმოადგენდა.

კერძოდ, ექსპერტი მუნიციპალიტეტს დაეხმარება ინფრასტრუქტურული პროექტების მომზადების საკითხებში, მიაწვდის მნიშვნელოვან მითითებებს. ასევე წინა საპროექტო, ფინანსურ - ეკონომიკურ კვლევას, პროექტის ტექნიკურ სპეციფიკასა და პროექტის დიზაინის შეფასების კრიტერიუმებს.

სამუშაო შეხვედრაზე მხარეები ურთიერთთანამშრომლობის ფორმატსა და სამომავლო გეგმებზე შეთანხმდნენ.