აშშ-ში, ტეხასის შტატის დედაქალაქ ოსტინში ქართული ღვინის დეგუსტაცია-სემინარი  ღვინის ეროვნული სააგენტოს კონტრაქტორი კომპანია „Tastingwork”-ის ორგანიზებით გაიმართა.

 ღონისძიებას „Tastingwork”-ის ხელმძღვანელი, ღვინის მაგისტრი ლიზა გრანიკი უძღვებოდა.

ქართული ღვინის პრეზენტაციას, სადაც საქართველოს სხვადასხვა რეგიონის ღვინოები იყო წარმოდგენილი, ღვინის ამერიკელი პროფესიონალები დაესწრნენ. ლიზა გრანიკის ინფორმაციით, ქართულმა ღვინომ სტუმრებზე განსაკუთრებული შთაბეჭდილება მოახდინა და ისინი მოუთმენლად ელიან შემდეგ ღონისძიებას, სადაც ქართული ღვინის ჯიშობრივი მრავალფეროვნება კიდევ ერთხელ იქნება წარმოდგენილი. ღვინის მაგისტრის შეფასებით, აღნიშნული დეგუსტაციები ხელს შეუწყობს ქართული ღვინის ცნობადობის გაზრდასა და პოპულარიზაციას აშშ-ი, რომელიც გასულ წლებში გამოიკვეთა როგორც ქართული ღვინის ერთ-ერთი პოტენციურად მზარდი და მნიშვნელოვანი საექსპორტო ბაზარი. მიმდინარე წლის იანვარ-აგვისტოს მონაცემებით, საქართველოდან აშშ-ში 291 ათასი ბოთლი ღვინოა ექსპორტირებული, ზრდა გასული წლის ანალოგიურ პერიოდთან შედარებით 2%-ია.

ღვინის ეროვნულ სააგენტოსთან თანამშრომლობის ფარგლებში, „Tastingwork”-ის ორგანიზებით, ბოლო რამდენიმე წლის მანძილზე, აშშ-ს სხვადასხვა ქალაქში ქართული ღვინის ათეულობით პრეზენტაცია გაიმართა, საქართველოში კი ღვინის პროფესიონალების არაერთი ვიზიტი მოეწყო.

ლიზა გრანიკი საქართველოს მეღვინეობა-მევენახეობის ისტორიაზე, კულტურასა და პოტენციალზე წიგნს წერს. ღვინის პროფესიონალების ჯგუფთან ერთად, ღვინის მაგისტრი საქართველოს ოქტომბრის თვეში ეწვევა.

(NS)

ავტორი: ,

სოციალური ქსელები

მომსახურების სააგენტო პირებს ვისაც 365-დღიანი ვადა უახლოეს პერიოდში ეწურებათ, გამოცდის დაჯავშნის პროცესს ამარტივებს

„ქართული ოცნების“ ღია ნაცისტური ჰომოფობიუფრი კამპანია, ტყუილები, მითები და დაშინება, ეკლესიის ჩართულობით

კობახიძე - 26 მაისს ოპოზიციის ინიციატივები სრული წარუმატებლობისთვის არის განწირული

ბუნების ძალასა და კანის ბალანსზე დაფუძნებული კორეული ბრენდი ROUND LAB უკევე PSP-შია