კახეთში, რიგით მეორე ფესტივალი „Jazz and Wine Kakheti“ გაიმართება

2018-09-21 12:46:02, 1596 ნახვა

საზოგადოება

21-23 სექტემბერს, კახეთში, სასტუმროში „Lopota Lake Resort & Spa", რიგით მეორე ფესტივალი - „Jazz and Wine Kakheti" გაიმართება.

ფესტივალში, ტრადიციულად მსოფლიოში ცნობილი მუსიკოსები მონაწილეობენ. წლევანდელი „Jazz & Wine Kakheti"-ს ჰედლაინერია ცნობილი ამერიკელი ვოკალისტი ჯუდით ჰილი. ფესტივალში, ასევე მონაწილეობენ დუეინ დოფსი, Aglio Olio & Swing, Yessa, Bahama Soul Club და სხვა.

„Jazz and Wine Kakheti"-ს ფარგლებში, კონცერტების გარდა, დაგეგმილია ღვინის თემატიკასთან დაკავშირებული არაერთი ღონისძიება - ქართული ღვინის კომპანიები მოაწყობენ ღვინის დეგუსტაციებს და ჯაზური მუსიკის ფონზე, სტუმრებს საშუალებას მისცემენ დააგემოვნონ სხვადასხვა სახის ღვინო; სამი დღის განმავლობაში, ფესტივალის სტუმრებს, საშუალება ექნებათ, მსოფლიოში ცნობილ მუსიკოსებთან ერთად, მონაწილეობა მიიღონ რთველში, ამოავლონ ჩურჩხელა და დაწურონ ღვინო.

(R)

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები