თბილისის საკრებულოდან აბანოთუბნის მიმართულებით საპროტესტო აქცია-მსვლელობა ლოზუნგით „დამიცავი თბილისი“ მიმდინარეობს.

აქციის მონაწილეები მწვანე საფარის განადგურებასა და თბილისის ისტორიულ ნაწილში მასშტაბურ მშენებლობებს აპროტესტებენ.

აქციაზე შეკრებილებს მიტანილი აქვთ ტრანსფარანტები შემდეგი წარწერებით - „არა ანტისაზოგადოებრივ გადაწყვეტილებებს“, „დამიცავი თბილისი“, „არა ხე ჭრა“, „რა დაგიშავათ მწვანემ“, „შეიქმნას ურბანული განვითარების პოლიტიკა“, „ნუ იჭრით თავებს“.

აქციის ერთ-ერთი ორგანიზატორის მარიამ ყანჩაველის თქმით, მათი მთავარი და უცვველი მოთხოვნაა, რომ თბილისში მწვანე საფარის ხარჯზე კერძო მშენებლობები შეწყდეს.

„ეს აქცია პირველი არაა. ჩვენი მთავარი მოთხოვნები ძალიან მარტივია, შეწყდეს კერძო მშენებლობები მწვანე საფარის ხარჯზე. ჩვენ ასევე მოვითხოვთ დედაქალაქის გონივრულ განვითარებას, მოვითხოვთ პროფესიონალურად ქალაქის დაგეგმარებას, მოვითხოვთ ურბანულ კომისიას, რომლიც გააკონტროლებს მიმდინარე მშენებლობებს. ჩვენ გვინდა ლამაზი, განვითარებული ქალაქი და არა ცემენტის მონსტრი“, - განაცხადა მარიამ ყანჩაველმა.

აქციაზე იმყოფება „თავისუფალი დემოკრატების“ ერთ-ერთი ლიდერი ალექსი პეტრიაშვილიც.

მისი თქმით, ის როგორც რიგითი მოქალაქე, დედაქალაქის ისტორიულ უბნებში კერძო მშენებლობებს აპროტესტებს.

„მე როგორც რიგითი მოქალაქე, ჩემს მეგობრებთან ერთად ჩვენი ისტორიული უბნების, ისტორიული ნაწილის დამახინჯებას და განადგურებას ვაპროტესტებ. ჩვენს დედაქალაქში და ქვეყანაში ყოვლად გაუზრებლად ხდება განადგურება. არავინ არ ამბობს, რომ ინვესტორების ინტერესები არ იყოს მიღებული, მაგრამ არა ჩვენი დედაქალაქის ისტორიული უბნების ხარჯზე“, - აღნიშნა ალექსი პეტრიაშვილმა.

საკრებულოდან აბანოთუბნის მიმართულებით აქცია-მსვლელობა მუსიკის ფონზე მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გაეცანი საქართველოს ბანკის განათლების პროგრამებს მოსწავლეებისთვის - აღმოაჩინე შენზე მორგებული შესაძლებლობები

ბოკერია - რეჟიმს უნდა, გააგრძელოს საქართველოს უსაფრთხოების, მომავალი თაობის ხარჯზე გამდიდრება და ძალაუფლების შენარჩუნება საქართველოს მტრების ინტერესების სასარგებლოდ

პარტია „გახარია საქართველოსთვის“მიმართავს საკონსტიტუციო სასამართლოს, მათი საკითხი ნაციონალებისგან ცალკე საქმედ გამოიყოს

ოპოზიცია დასავლეთის ქვეყნების ელჩებს შეხვდნენ