„მე არ მგონია, რომ საქართველოს ამ გზით შეშვენოდეს თავისი ეკონომიკის გაძლიერება“, - ასე გამოეხმაურა ვანისა და ბაღდათის მიტროპოლიტი, მეუფე ანტონი მარიხუანის წარმოებასთან დაკავშირებით მთავრობის ინიციატივას.

როგორც მეუფემ აღნიშნა, უმჯობესი იქნება, თუ იმ ენერგიას, რაც მარიხუანის წარმოებასა და ექსპორტზე უნდა დახარჯონ, სოფლის მეურნეობას მოახმარენ.

„ძალიან ნეგატიური დამოკიდებულება მაქვს. მე ავღნიშნე, რომ  ეს ისეთი რამ არის, რომელიც დროში ჩანს. ფაქტიურად, მე დარწმუნებული ვარ,  რომ ის ადამიანები, რომლებიც დღეს მხარს უჭერენ, ასაკში რომ იქნებიან, პირველები გამოხატავენ უარყოფით დამოკიდებულებას. მე არ მგონია, რომ საქართველოს ამ გზით შეშვენოდეს თავისი ეკონომიკის გაძლიერება. რაც მანდ უნდა ჩადონ, სოფლის მეურნეობას მოახმარონ. ხილი ვერ გააქვთ საზღვარგარეთ, იმაზე იზრუნონ“, - განაცხადა მეუფე ანტონმა.

ცნობისთვის, საქართველოში მარიხუანას მოყვანა და ექსპორტზე გატანა იგეგმება. შსს-ს ინფორმაციით, მთავრობის მიერ მარიხუანასთან დაკავშირებით ინიცირებული საკანონმდებლო ცვლილებები მარიხუანას გასაღების მკაცრ შეზღუდვას ითვალისწინებს. როგორც ცნობილია, აღნიშნულ თემაზე საუბარი გუშინ „ქართული ოცნების" ოფისში გამართულ შეხვედრაზე იყო, რომლესაც ბიძინა ივანიშვილი ესწრებოდა. სწორედ ყოფილმა პრემიერმა დაუჭირა მხარი მარიხუანას წარმოებისა და ექსპორტზე გატანის პროექტს. 

ავტორი: ,

სოციალური ქსელები

Bloomberg: ევროკავშირი უკრაინაში Starlink-ის პრობლემების შემდეგ თავდაცვის გაძლიერებას განიხილავს:

კალაძე - რეალურად არ არსებობდა არანაირი ე.წ. NGO სექტორი და პოლიტიკური პარტიები, ეს იყო ერთი ძალა

700 დღე პროტესტი საქართველოში: დაღლასა და დანებებას შორის

ჩერგოლეიშვილი – ყველა აქციიდან გავყრი სააკაშვილის იმ 30 ბანდერლოგს, რომელიც აქციის მესიჯის დისციპლინას თვითმარქვია ბელადის ბანერებით დაარღვევს