საქართველოს თავდაცვის მინისტრმა ლევან იზორიამ ჯონ მაკკეინის ინსტიტუტისა და ეკონომიკური პოლიტიკის კვლევის ცენტრის (EPRC) ორგანიზებით გამართულ საერთაშორისო კონფერენციაზე გამოსვლისას გლობალური უსაფრთხოების კონტექსტში სამხედრო მიმართულების გაძლიერებაზე გაამახვილა ყურადღება:

„რაც შეეხება დასავლეთის გაძლიერებას, კონკურენტულ მსოფლიოში, საერთო ღირებულებების დაცვის ქვაკუთხედი სამხედრო ძლიერება უნდა იყოს. ჩემი აზრით, სტრატეგიული შენარჩუნება განახლების გზით უპირველეს ყოვლისა ნიშნავს ნატოს, ნატოს წევრი და პარტნიორი ქვეყნების თავდაცვის პოლიტიკის განახლებას. ამ პროცეში აშშ-ის ლიდერობა, წევრ და პარტნიორ ქვეყნებს შორის სამხედრო თანამშრომლობისა და თავდაცვითი შესაძლებობების გაძლიერება უმნიშვნელოვანესია“, - განაცხადა მინისტრმა. 

მისი განცხადებით, თავდაცვის სფეროში ევროპული სტრატეგიული ავტონომია ევროპის ქვეყნების მხრიდან მეტი პასუხისმგებლობის აღებას ნიშნავს ნატოს, როგორც ევროპის უსაფრთხოების ქვაკუთხედად შესანარჩუნებლად და გასაძლიერებლად.

ლევან იზორიამ ამ პროცესში სტრატეგიული მზადყოფნის მნიშვნელობაზე გაამახვილა ყურადღება:

„გლობალური უსაფრთხოების კონტექსტში, კონკურენტულ სამყაროში საქართველოს ხელისუფლების პოლიტიკის ადეკვატური პასუხია დასავლეთში ინტეგრაციის შენარჩუნება და გაძლიერება. ეს არის ჩვენი ეროვნული თვითრეალიზაციის პროცესი, არა სტრატეგიული მოთმინების, არამედ სტრატეგიული მზადყოფნის მდგომარეობა. სამხედრო სფეროში ჩვენი სტრატეგიული მზადყოფნის მიზანია ტერიტორიული თავდაცვითი შესაძლებლობების განვითარება, ნატოს სტანდარტებთან თავსებადობის გაძლიერება, რათა ყოველდღე ვიყოთ მზად ნატოში გაწევრიანებისთვის", - აღნიშნა იზორიამ.

(NS)

ავტორი: ,

სოციალური ქსელები

ვენსი ტრამპის მემკვიდრეობისთვის ბრძოლას იწყებს: როგორ იყენებს ვიცე-პრეზიდენტი რესპუბლიკელების დამარცხებას - Axios

The Independent: რუბიომ შესაძლოა აშშ-ის სახელმწიფო მდივნის თანამდებობა დატოვოს, რათა 2028 წლის საპრეზიდენტო არჩევნებში მიიღოს მონაწილეობა

Starshield-დან რუსულ ნავთობამდე: დემოკრატები ტრამპის ქმედებებზე კონგრესის გამოძიებას ამზადებენ

ზახაროვა ფარცხალაძის ფონდზე: გვჯერა, წვლილს შეიტანს რუსეთ-საქართველოს კავშირის ზრდაში