„დღეს, ჩვენ დავინახეთ, რომ შეიძლება სამართალი ვიწამოთ“, - ამის შესახებ „თავისუფალი დემოკრატების“ ლიდერმა ირაკლი ალასანიამ თბილისის საქალაქო სასამართლოში, ე.წ. კაბელების საქმეზე სხდომის დასრულების შემდეგ განაცხადა.

როგორც ალასანიამ აღნიშნა, დღევანდელი დღე ქართული მართმსაჯულების ისტორიაში ძალიან მნიშვნელოვანია.

‘’თავიდანვე ვიძახდით, რომ ეს 5 ადამიანი არის უდანაშაულო და ეს საქმე არის პოლიტიკური. დღევანდელი დღე არის ძალიან მნიშვნელოვანი ქართული მართმსაჯულების ისტორიაში. დღეს, ჩვენ დავინახეთ, რომ შეიძლება სამართალი ვიწამოთ. საზოგადოება თუ მობილიზებული იქნება სამართლიანობას მივაღწევთ. მე მინდა, რომ ძალიან მალე ჩვენი უდანაშაულო ბიჭები ვიხილო თავისუფლები, სამსახურში დაბრუნებულები და ოჯახთან ერთად’’, – განაცხადა ირაკლი ალსანიამ.

ცნობისთვის, თბილისის საქალაქო სასამართლომ თავდაცვის სამინისტროს 5 თანამშრომლის საქმეზე დაცვის მხარის შუამდგომლობა დააკმაყოფილა. მოსამართლემ დავით ჯუღელმა გაიზიარა ე.წ. კაბელების საქმეზე ბრალდებულების ადვოკატის პოზიცია და ბრალდების მხარის მტკიცებულება, რომელიც ეხებოდა სასაქონლო და საინჟინრო ექსპერტიზას, საქმეში დაუშვებლად ცნო. 

დაცვის მხარის განცხადებით, სასაქონლო და საინჟინრო ექსპერტიზა იყო მთავარი მტკიცებულება, რომელსაც ბრალდების მხარე ეყრდნობოდა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინაში რუსეთის მიერ ცეცხლის შეწყვეტის შეთანხმების ასობით დარღვევა დაფიქსირდა

აშშ-მ და ირანმა ომის დასრულების შესახებ შეთანხმებას ვერ მიაღწიეს

უნგრეთის საპარლამენტო არჩევნებში ხმის მიცემა დაიწყო

დღეს აღდგომაა - ქრისტე აღდგა!