ცენტრალური საარჩევნო კომისიის ინიციატივით, ადმინისტრაციული რესურსების გამოყენების, საბიუჯეტო თანხების გამოყენების აკრძალვისა და საჯარო მოხელეების წინასაარჩევნო აგიტაციაში მონაწილეობის შესახებ ორდღიანი სამუშაო შეხვედრა გაიმართა.

კაჭრეთში ორგანიზებულ ღონისძიებას ესწრებიან აღმასრულებელი ხელისუფლების ორგანოების, სახელმწიფო საქვეუწყებო დაწესებულებების, სახელმწიფო აუდიტის სამსახურის, საქართველოს პროკურატურისა და საქართველოს სახელმწიფო უსაფრთხოების სამსახურის იურიდიული მიმართულებით მომუშავე სტრუქტურული ერთეულების ხელმძღვანელი პირები, ასევე იუსტიციის სამინისტროსთან არსებული უწყებათაშორისი კომისიის სამდივნოს წარმომადგენლები.

შეხვედრა ცესკოს თავმჯდომარის მოადგილე გიორგი შარაბიძემ გახსნა. როგორც გიორგი შარაბიძემ ჟურნალისტებთან საუბრისას განაცხადა, მნიშვნელოვანია საარჩევნო ადმინისტრაციის გამოცდილების გაზიარება სხვადასხვა საარჩევნო საკითხთან დაკავშირებით. „ჩვენ შეხვედრის მონაწილეებს სხვადასხვა მნიშვნელოვანი საკითხის შესახებ საკუთარ ხედვა და გამოცდილება გავუზიარეთ. იმისათვის, რომ იყოს ერთგვაროვანი აღქმა კანონმდებლობის ამა თუ იმ ნორმისა, ძალიან მნიშვნელოვანია მსგავსი ტიპის შეხვედრები. ასეთი მსჯელობა აუცილებლად შეუწყობს ხელს მომავალი საპრეზიდენტო არჩევნების სანდო და გამჭვირვალე გარემოში ჩატარებას“ - აღნიშნა გიორგი შარაბიძემ.

შეხვედრაზე საუბარი შეეხო არჩევნებში ჩართული თითოეული მხარის პასუხისმგებლობასა და კეთილსინდისიერებას. მონაწილეებს საარჩევნო ადმინისტრაციის წარმომადგენლებმა მიაწოდეს ინფორმაცია ისეთი მნიშვნელოვანი საკითხების შესახებ, რაც მათ მისცემს შესაძლებლობას, ჰქონდეთ ერთგვაროვანი მიდგომა რიგ საკანონმდებლო რეგულაციებთან დაკავშირებით.

სამუშაო შეხვედრა ცესკოს ინიციატივითა და სწავლების ცენტრის ჩართულობით, 6-7 სექტემბერს იმართება.

(NS)

ავტორი: ,

სოციალური ქსელები

რუსებში ახალი მობილიზაციის შიშმა სამწლიან მაქსიმუმს მიაღწია - ლევადა ცენტრი

ორშაბათიდან ვერ შეგიშვებთო - ვეკუას სკოლის მოსწავლეების მშობლებმა აქცია გამართეს

კობახიძე - ჩინეთთან ურთიერთობას აქვს განსაკუთრებული მნიშვნელობა, ვხედავთ განსაკუთრებულ ღირებულებით კავშირს

ჩინეთის ვიცე-პრეზიდენტი ხან ჭენგი - ურთიერთობები სულ უფრო ძლიერდება და ჩვენი სურვილია, კიდევ უფრო განვითარდეს