„ერთადერთი ვისაც, პოლიტიკური სარგებელი შეიძლება ჰქონდეს რუსი ჟურნალისტების ჩამოსვლიდან, არის „ნაციონალური მოძრაობა“, - ასე გამოეხმაურა „ქართული ოცნების“ წევრი, გია ვოლსკი, თბილისში მიმდინარე მედიაფორუმს, რომელიც რუსეთის პრეზიდენტის, ვლადიმერ პუტინის საგრანტო დაფინანსებით იმართება.

ვოლსკი მიიჩნევს, რომ აღნიშნული მედიაფორუმის თბილისში გამართვა საფრთხის შემცველი არ არის.

„რუსეთის ხელისუფელბის დაფინანსებით არის ყველა ფონდი, რომელიც არსებობს და მით უმეტეს, ასეთ პოლიტიკურად ანგაჟირებულ ჟურნალისტებს აფინანსებს, მაგრამ მე არ მგონია, რომ მათ რაიმე რესურსი გააჩნიათ იმისათვის, რათა ჩვენ საზოგადოებას ტვინი გამოურეცხონ, სხვანაირად აფიქრებინონ. ერთადერთი, ვისაც პოლიტიკური სარგებელი შეიძლება ჰქონდეს ამ ჩამოსვლიდან და ამ სკანდალური შეკითხვების პასუხებიდან, ეს არის „ნაციონალური მოძრაობა“, რითაც არ მგონია, რომ დიდად გაიმარჯვოს რუსული პროპაგანდის თემის წამოწევაში“, - განაცხადა გია ვოლსკიმ.

ცნობისთვის, თბილისში, სასტუმრო „ვერე პალასში“ პუტინის ფონდის მიერ დაფინანსებული მედია ფორუმი მიმდინარეობს. აღნიშნულის გამო, სასტუმროსთან დილიდან მოქალაქეები არიან შეკრებილი და ფორუმის ჩატარებას აპროტესტებენ.

ავტორი: ,

სოციალური ქსელები

DRI: კრიტიკული მედიისთვის სახელმწიფო საგადასახადო ინსტრუმენტს შერჩევითად იყენებს

ოპოზიციის ალიანსი: დიუშენის შემთხვევამ ცხადყო, რამდენად მოშლილია სახელმწიფო ინსტიტუცია

სასამართლომ ირაკლი კობახიძის წინააღმდეგ მზია ამაღლობელის სარჩელზე საქმის წარმოება შეწყვიტა

პენიტენციური: რატიანის კომუნიკაცია სხვა მსჯავრდებულებთან შესაძლოა, გარკვეულ რისკს შეიცავდეს