|
2018-09-04 12:00:22, 969 ნახვა
კომენტარი
პრეზიდენტი: ევროპული სკოლის დაფუძნება ევროკავშირთან ინტეგრაციის კიდევ ერთი ხელშესახები შედეგია
საქართველოს პრეზიდენტი გიორგი მარგველაშვილი ქვეყანაში ორდღიანი ვიზიტით მყოფ ევროკომისარ იოჰანეს ჰანს შეხვდა. შეხვედრაზე მხარეებმა საქართველოს ოკუპირებულ რეგიონებში შექმნილი ვითარება, საქართველო-ევროკავშირის თანამშრომლობის საკითხები, ასოცირების ხელშეკრულებით ნაკისრი ვალდებულებების შესრულება და „აღმოსავლეთ პარტნიორობის ევროპული სკოლის" გახსნის საკითხები განიხილეს. გიორგი მარგველაშვილი მიესალმა თბილისში ევროპული სკოლის დაფუძნებას, როგორც ევროკავშირთან ინტეგრაციის კიდევ ერთ ხელშესახებ შედეგს, რომელიც საშუალებას აძლევს ახალგაზრდა თაობას, არამარტო საქართველოდან, არამედ პარტნიორი ქვეყნებიდან, რომ ევროპული ხარისხის განათლება მიიღოს და მადლობა გადაუხადა ევროკომისარს თბილისში „აღმოსავლეთ პარტნიორობის ევროპული სკოლის" გახსნაში შეტანილი წვლილისათვის, რომელიც საქართველოს პრეზიდენტისა და ევროკომისრის მოლაპარაკებებისა და საქართველო-ევროკავშირის მჭიდრო თანამშრომლობის შედეგია. შეხვედრისას აღინიშნა, რომ უდიდესი მნიშვნელობა ენიჭება ევროკავშირის დახმარებას საერთაშორისო თანამეგობრობის კონსოლიდაციის მიმართულებით. გიორგი მარგველაშვილმა ევროკავშირის დელეგაციას დეტალური ინფორმაცია მიაწოდა აფხაზეთის და ცხინვალის რეგიონში შექმნილ ვითარებასთან დაკავშირებით და განაცხადა, რომ რუსეთის მიერ ოკუპირებულ ტერიტორიებზე ირღვევა ადამიანის ფუნდამენტური უფლებები, საერთაშორისო თანამეგობრობას კი აღნიშნული საკითხის მიმართ აქტიური ქმედებისა და კონსოლიდაციისაკენ მოუწოდა. შეხვედრას ესწრებოდნენ: ევროკავშირის დელეგაციის წევრები, საქარათველოს პრეზიდენტის ადმინისტრაციის უფროსი გიორგი აბაშიშვილი, ეროვნული უშიშროების საბჭოს მდივანი დავით რაქვიაშვილი.
ოპოზიციის ალიანსი: დიუშენის შემთხვევამ ცხადყო, რამდენად მოშლილია სახელმწიფო ინსტიტუცია
სასამართლომ ირაკლი კობახიძის წინააღმდეგ მზია ამაღლობელის სარჩელზე საქმის წარმოება შეწყვიტა
პენიტენციური: რატიანის კომუნიკაცია სხვა მსჯავრდებულებთან შესაძლოა, გარკვეულ რისკს შეიცავდეს
ლევან ხაბეიშვილის ოპოზიციას მიმართავს
|
რედაქტორის რჩევით
პუტინმა ევროკავშირში მთავარი მოკავშირე დაკარგა: ორბანმა უნგრეთის არჩევნები წააგო
სახელისუფლებო აქტორებმა პატრიარქის სახელი ოპონენტების დისკრედიტაციისთვის გამოიყენეს
ომი უკრაინაში
რუსებმა ოდესაში საცხოვრებელი სახლები დაბომბეს, რის შედეგადაც ორი ადამიანი დაიღუპა და 15 დაშავდა
რუსებმა დნეპრის ცენტრში მაღალსართულიან შენობა დაბომბეს, რის შედეგადაც ორი ადამიანი დაიღუპა და 10 დაშავდა
ვიდეო/LIVE პატრიარქის ილია მეორის დაკრძალვა - პირდაპირი
2025 წელს, ემიგრანტების რიცხოვნობამ 114 374 კაცი შეადგინა, ყველა მათგანი შრომისუნარიანი იყო
დღის თემა
ფასების კომისიის თავმჯდომარე ბერეკაშვილმა სამშენებლო ბიზნესიდან 4,5 მლნ ლარზე მეტი მიიღო
მთავარი თემა
|





epn.ge (@expressnews.ge)