ვაკის რაიონში, გზების რეაბილიტაცია აქტიურად მიმდინარეობს. გამგეობის დაკვეთით, საგზაო პროექტი დაიწყო ბერძენიშვილის ქუჩაზე, სადაც, გეგმის მიხედვით, 4 520 კვ. მ. ფართობზე ასფალტის ახალი საფარი დაიგება. სამუშაოების შედეგად, როგორც სავალი ნაწილი, ასევე ტროტუარები შეკეთდება და ახალი ბორდიური მოეწყობა. პროექტის ღირებულება 162 358 ლარს შეადგენს.

გარდა ამისა, ბოლო ეტაპზეა გზის რეაბილიტაცია ატენის ქუჩაზე - II შესახვევში და N6-8-ის მიმდებარედ. გზის საფუძველი და ასფალტის საფარი 2 230 კვ. მ. ფართობზე განახლდა. ჭავჭავაძის 39ა-ში კი, 1000 კვ.მ-მდე მონაკვეთი მოწესრიგდა. 

ვაკის რაიონის ცენტრალური უბნის მსგავსად, საგზაო ინფრასტრუქტურის მოწესრიგება ვაჟა-ფშაველას კვარტლებში ხორციელდება. შიდა გზის რეაბილიტაცია ამ დროისთვის სრულდება VI კვარტლის II და VI კორპუსების მიმდებარედ. გზის საფარი 2 640 კვ. მ. ფართობზე უკვე გამოიცვალა, რაზეც გამგეობის ბიუჯეტიდან 137 271 ლარი გამოიყო. ვაჟა-ფშაველას II კვარტლის VIII კორპუსთან კი 600-მდე კვ. მ. მონაკვეთი რეაბილიტირდა. ამავე ტერიტორიაზე გრუნტის დამჭერი კედელი აშენდა.

(NS)

ავტორი: ,

სოციალური ქსელები

დასავლეთ საქართველოში მოსალოდნელია ძლიერი ნალექი, ქარბუქი, შტორმი - სააგენტოს გაფრთხილება

საქართველოს ბანკმა ბიზნესისთვის ფინანსური მიმზიდველობის თემაზე ვორკშოპი გამართა

ნარმანია - ბუნებრივ აირზე უფრო მაღალი ტარიფი შეიძლება დადგინდეს მაღალი მოხმარების ოჯახებისთვის

გამოძიება- ახალგაზრდა ორბანი საიდუმლო სამსახურების ინფორმატორი იყო, მისი მხილებები, სავარაუდოდ, მოსკოვში მიდიოდა