ვახტანგ ბუცხრიკიძე: ლარის გამყარების ნიშნები არსებობს

2015-06-04 20:04:50, 850 ნახვა

ეკონომიკა

„თიბისი ბანკის“ გენერალური დირექტორის ვახტანგ ბუცხრიკიძის განცხადებით, ამ ეტაპზე ლარის გამყარების ნიშნები არსებობს. ბუცხრიკიძის თქმით, ლარის გაუფასურება საგარეო ფაქტორებით იყო გამოწვეული.

„რა თქმა უნდა, ძირითადად ეს იყო საგარეო ფაქტორები. უნდა გავითვალისწინოთ რა ხდება ჩვენს მეზობელ ქვეყნებში, რომლებიც საქართველოს ძირითადი სავაჭრო პარტნიორები არინ. რამდენიმე დღის წინ დავბრუნდი აზერბაიჯანიდან, სადაც თებერვალში ვალუტის დევალვაცია 33%-ით მოხდა. მაგრამ ამის შემდეგ ცენტრალური ბანკი ყოველთვიურად, მარტში, აპრილში დაახლოებით მილიარდ დოლარზე მეტს ხარჯავს კურსის შესანარჩუნებლად. ფაქტობრივად, კურსის ცვლილებაში უკვე ასახულია ეს ფაქტორები და თუ დავაკვირდებით ბოლო ერთი კვირის, 10 დღის პროგნოზებს, სტატისტიკურ მაჩვენებლებს, ლარის გამყარების ნიშნები არსებობს. ვფიქრობ, მეორე კვარტალში ეს ტენდენციები გაგრძელდა“, - განაცხადა ვახტანგ ბუცხრიკიძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან