საქართველოს პარლამენტის თავმჯდომარემ, ირაკლი კობახიძემ კონსტიტუციის ახალი რედაქციის პირველი გამოცემის პრეზენტაცია გამართა, რომელსაც დედაქალაქის მერი კახა კალაძე დაესწრო.

როგორც კახა კალაძემ აღნიშნა, უახლოეს მომავალში ქვეყანას ახალი, ევროპული ტიპის, დემოკრატიული კონსტიტუცია ექნება.

„მინდა მივულოცო ყველას ეს მნიშვნელოვანი დღე. კონსტიტუცია ქვეყანაში უმნიშვნელოვანესი იურიდული დოკუმენტია. „ქართულმა ოცნებამ“ კონსტიტუციაში გარკვეული ცვლილებები განახორციელა, რომელიც ეროვნულ ინტერესებზე დაფუძნებულია. კონსტიტუციაზე მუშაობს არამხოლოდ მმართველი გუნდი, არამედ საზოგადოების ფართო წრე, სხვადასხვა ექსპერტები. დოკუმენტის მიღების შემდეგ, ჩვენ გვექნება ევროპული ტიპის, დემოკრატიული კონსტიტუცია და საპარლამენტო რესპუბლიკა“, - განაცხადა კახა კალაძემ.

ღონისძიებაზე მოწვეულ სტუმრებს სიტყვით მიმართეს სრულიად საქართველოს კათალიკოს-პატრიარქმა ილია II-მ, საქართველოს პრემიერ-მინისტრმა, მამუკა ბახტაძემ, პარლამენტის თავმჯდომარე ირაკლი კობახიძემ და GIZ-ის სამხრეთ კავკასიის ოფისის დირექტორმა რონალდ შტოირერმა.

საქართველოს პარლამენტის მიერ მომზადებული კონსტიტუცია გერმანიის საერთაშორისო თანამშრომლობის საზოგადოების (GIZ) ფინანსური მხარდაჭერით დაიბეჭდა.

(NS)

ავტორი: ,

სოციალური ქსელები

დასავლეთ საქართველოში მოსალოდნელია ძლიერი ნალექი, ქარბუქი, შტორმი - სააგენტოს გაფრთხილება

საქართველოს ბანკმა ბიზნესისთვის ფინანსური მიმზიდველობის თემაზე ვორკშოპი გამართა

ნარმანია - ბუნებრივ აირზე უფრო მაღალი ტარიფი შეიძლება დადგინდეს მაღალი მოხმარების ოჯახებისთვის

გამოძიება- ახალგაზრდა ორბანი საიდუმლო სამსახურების ინფორმატორი იყო, მისი მხილებები, სავარაუდოდ, მოსკოვში მიდიოდა