სამსონ ქუთათელაძის მკვლელობაში ბრალდებულის ადვოკატი, ანა კეკენაძე შინაგან საქმეთა სამინისტროს და პროკურატურას მოწმეებზე ზეწოლაში ადანაშაულებს.

როგორც დღეს გამართულ ბრიფინგზე ანა კეკენაძემ განაცხადა, შინაგან საქმეთა სამინისტროსა და პროკურატურის წარმომადგენლები ჭანტურიების ოჯახსა და მათ გარემოცვას, პირადი ცხოვრების ამსახველი მასალების გავრცელებით ემუქრებიან და ამ გზით ბრალდებულის წინააღმდეგ ჩვენებების მიცემას აიძულებენ.

„თხოვდნენ მას (გიორგი ჭანტურიას დას), რომ ეღიარებინა თითქოს აღნიშნული იარაღები მას ნანახი აქვს საცხოვრებელ სახლში და ჰქონდა მას ამის შესახებ ინფორმაცია, თუმცა როდესაც მიიღეს პასუხად, რომ მარიამ ჭანტურიას არასოდეს უნახავს აღნიშნული იარაღები, არასოდეს უსაუბრია ამ იარაღებთან დაკავშირებით, ისინი გადავიდნენ უკვე მუქარასა და შანტაჟზე. მანიპულირებენ იმით, რომ მათ აქვთ ფარული საგამოძიებო მოქმედებების შედეგად მოპოვებული პირადი ცხოვრების ამსახველი ვიდეო და აუდიომასალები, რასაც გამოიყენებენ ისინი ოჯახის წევრების, მეგობრებისა და ნათესავების საწინააღმდეგოდ“, - აღნიშნა ადვოკატმა.

შინაგან საქმეთა სამინისტრომ გენერალ სამსონ ქუთათელაძის მკვლელობის საქმეზე გიორგი ჭანტურია განზრახ მკვლელობისა და ცეცხლსასროლი იარაღის მართლსაწინააღმდეგო შეძენა-შენახვა-ტარების ბრალდებით დააკავეს. დანაშაული 7-დან 15 წლამდე ვადით თავისუფლების აღკვეთას ითვალისწინებს.

ავტორი: ,

სოციალური ქსელები

მელანია ტრამპმა რუსეთსა და უკრაინას შორის ცეცხლის შეწყვეტის ზონის გაფართოება გამოაცხადა

ეგზიტპოლი: ნეთანიაჰუს პარტია „ლიკუდი“ისრაელის არჩევნებში ლიდერობს, თუმცა მის ბლოკს აბსოლუტური უმრავლესობა არ გააჩნია

თურქეთმა პოლონეთში, Starlink-ის სადგურზე მომხდარი ცეცხლის წაკიდების საქმეზე 85 ადამიანი დააკავა

გერმანელების თითქმის 90% თვლის, რომ მთავრობა ვერ უმკლავდება ქვეყნის პრობლემებს