2018-08-20 13:25:33, 978 ნახვა
საზოგადოება
20-23 აგვისტოს საქართველოში არამდგრადი ამინდია მოსალოდნელი
გარემოს ეროვნული სააგენტოს ინფორმაციით, 20 - 23 აგვისტოს, საქართველოს ზოგიერთ რაიონში სითბოს ფონზე ხანმოკლე წვიმა და ელჭექი, აღმოსავლეთ საქართველოში კი, ზოგან სეტყვაა მოსალოდნელი.
სააგენტოს ცნობით, ჰაერის ტემპერატურა დასავლეთ საქართველოს დაბლობსა და აღმოსავლეთ საქართველოს ბარში +28, +33 გრადუსის ფარგლებში იქნება.
შავი ზღვის სანაპირო რაიონებში ღამისა და საღამოს საათებში იწვიმებს. ჰაერის ტემპერატურა +27, +29 გრადუსი იქნება.
რაც შეეხება დედაქალაქს, თბილისში შესაძლებელია ხანმოკლე წვიმა ელჭექით. ჰაერის ტემპერატურა +29, +31 გრადუსია მოსალოდნელი.
![]()
ავტორი: ,
epn.ge (@expressnews.ge)
