„ნიუ ჰოსპიტალსში“ დღეს ურთიერთთანამშრომლობის მემორანდუმი გაფორმდება, რომელიც სმენის აღდგენასთან დაკავშირებული ურთულესი ოპერაციების ჩატარებას და ქართველ და გერმანელ ექიმებს შორის სამომავლო თანამშრომლობის გეგმებს ითვალისწინებს.

მემორანდუმის საფუძველზე, „ნიუ ჰოსპიტალსი“ გერმანიაში, როსტოკის საუნივერსიტეტო კლინიკაში დახელოვნებისთვის მიავლენს ფიზიკოსსა და ლოგოპედს, რაც მყარ საფუძველს ჩაუყრის ძლიერი გუნდის ჩამოყალიბებას „ნიუ ჰოსპიტალსში“ იმპლანტირებული პაციენტების რეაბილიტაციისთვის.

მემორანდუმს ხელს მოაწერენ „ნიუ ჰოსპიტალსის“ გენერალური დირექტორი ნიკა ოქრიაშვილი და ოტო კორნერის საუნივერსიტეტო კლინიკის ხელმძღვანელი პროფესორი რობერტ მლინსკი.

„მემორანდუმის ფარგლებში პროფესორი რობერტ მლინსკი პერიოდულად ჩამოვა და „ნიუ ჰოსპიტალსის“ ოტორინოლარინგოლოგებთან ერთად ყელ-ყურ-ცხვირის დაავადებების ურთულეს ოპერაციებს ჩაატარებს. ეს არის პირველი ნაბიჯი ევროპული დონის ყურის ქირურგიის განვითარებისა საქართველოში. ამ ვიზიტის ფარგლებში, დასრულდება მოსამზადებელი სამუშაოები და მომავალი წლიდან „ნიუ ჰოსპიტალსში“ კოხლეარული იმპლანტაციები დაიგეგმება“, აცხადებენ „ნიუ ჰოსპიტალსში“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

NBA-ის ლეგიონი: როგორ ფორმაში ხვდებიან ქართველი კალათბურთელები ახალ სეზონს

ინფლაციური წნეხი, წინა თვეებთან შედარებით, გაზრდილია

The Sun: ჩრდილოეთ კორეის ლიდერი, სავარაუდოდ, კომაში ჩავარდა და ჩინეთში ჰოსპიტალიზებულია

Galt & Taggart-მა აჭარის ეკონომიკისა და სექტორული ტენდენციების შესახებ კონფერენცია გამართა