საქართველოს ყოფილმა პრეზიდენტმა მიხეილ სააკაშვილმა, "რუსთავი 2"-ის ეთერში, გადაცემა "არჩევანში" ტურიზმის კუთხით არსებულ პრობლემებზე ისაუბრა და აღნიშნა, რომ "საქართველოს სტაბილურობის ყველა ფაქტორი არის „ნაციონალური მოძრაობის“ მმართველობის დროს შექმნილი, ახალი მთავრობა კი მის განადგურებას ახდენს".

მისივე თქმით, „ქვეყანაში, სადაც კანონიერ ქურდებს მინისტრები ტრაპთან ხვდებიან, უსაფრთხოების განცდა იკარგება".

"ტურიზმი არის პირველ რიგში უსაფრთხოების განცდა. საქართველოში კი დაიკარგა უსაფრთხოების განცდა. ტურიზმი არის ადვილი შემოსვლა საზღვარზე. აქ კი საზღვარზე ადვილად შემოდის კანონიერი ქურდი და სამთავრობო მანქანები ხვდებიან მათ. გამოძიება ჩატარდა უკრაინაში, დაიკითხა ეკიპაჟი, უკრაინის შსს-ს მიერ დადეპორტირებულ ქურდს ვიცე-პრემიერის თუ მინისტრის მანქანა დახვდა ტრაპთან და გაიყვანეს უპრობლემოდ. შემდეგ ვიდეოკამერებზე იყო საუბარი, რომ გადაღებული იყო ასეთი რაღაცები და ვიდეოკამერები საერთოდ მოხსნეს, რომ თავისუფლად ატარონ. მაგრამ, ამავე დროს, გვყავს ვიღაც მაჯლაჯუნა მინისტრი, რომელიც ამტკიცებს, რომ მაქსიმალურად უნდა გაუძნელონ უცხოელებს საქართველოში შემოსვლა. გაითვალისწინონ, რომ ამ უცხოელების დიდი ნაწილი არიან ჩვენი თანამემამულეები, რომლებიც ეკონომიკური გაჭირვების და სხვადასხვა ფაქტორების გამო, ცხოვრობენ უცხოეთში და უბრალოდ იქაური პასპორტები აქვთ. მათ გაუძნელეს ეს ყველაფერი პირველ რიგში. ასე რომ ბევრი ფაქტორის გამო, ტურიზმიც საფრთხის ქვეშ დგება“, - განაცხადა მიხეილ სააკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ძმებ ფეიქრიშვილებზე: გამოძიება დაადგენს, მათ შორის, ციხის ადმინისტრაციის შესაძლო როლსაც

კობახიძე - გიორგი ნემსაძის გარდაცვალება უდიდესი დანაკარგია ქართული ფეხბურთისთვის

ნაკრების ყოფილი კაპიტანი გიორგი ნემსაძე 54 წლის ასაკში გარდაიცვალა

საკონსტიტუციო სასამართლოს სხდომიდან გააძევეს ხატია დეკანოიძე - ივანიშვილის დაკითხვის შუამდგომლობა არ დაკმაყოფილდა